Derrick Rose og félagar í Chicago Bulls eru hreinlega óstöðvandi um þessar mundir. Bulls vann sinn áttunda leik í röð í nótt. Að þessu sinni gegn Milwaukee með flautukörfu frá Rose.
Rose skoraði 30 stig í leiknum og gaf 11 stoðsendingar. Joakim Noah einnig sterkur með 20 stig, 10 fráköst og 2 varin skot.
LeBron James átti síðan frábæran dag fyrir Miami gegn Atlanta þar sem hann skoraði 31 stig og tók 11 fráköst gegn Atlanta.
Washington kom skemmtilega á óvart með því að vinna heimasigur á LA Lakers en Lakers hefur gengið ákaflega illa á útivelli í vetur. Washington var 18 stigum undir um tíma en kom til baka og vann flottan sigur.
Úrslit:
Toronto-Houston 116-98
Philadelphia-Boston 103-71
Washington-LA Lakers 106-101
Charlotte-Utah 93-99
Miami-Atlanta 89-86
NJ Nets-LA Clippers 101-100
Milwaukee-Chicago 104-106
Oklahoma-Phoenix 115-104
Minnesota-Portland 106-94
San Antonio-NY Knicks 118-105
Denver-Cleveland 99-100
Sacramento-New Orleans 99-98
Golden State-Memphis 92-110
Bulls á siglingu | Washington lagði Lakers
