NBA-deildin: Mikil aukning á sjónvarpsáhorfi

NBA-deildin í körfubolta fór vel af stað í Bandaríkjunum um jólin og sjónvarpsáhorf á opnunarleikina á jóladag var mun meira en á sama tíma fyrir ári síðan. Alls voru fimm leikir sýndir á jóladag á bandarískjum sjónvarpsstöðvum. Um 6,2 milljónir sáu þá leiki en fyrir ári síðan var þessi tala 6 milljónir.

Leikur Chicago Bulls og LA Lakers er í þriðja sæti yfir mesta áhorf allra tíma á deildarleik á ABC sjónvarpsstöðinni. Leikur Miami Heat gegn Lakers á síðasta tímabili og viðureign sömu liða árið 2004 eru þar fyrir ofan.

LA Clippers virðist ætla að vera vinsælt í vetur, enda nýbúið að fá stórstjörnuna Chris Paul til liðsins. Leikur LA Clippers gegn Golden State Warriors var með 69% meira áhorf en leikur Portland gegn Golden State fyrir ári síðan.

Kapalsjónvarpsstöðvar eru einnig sáttar með áhorfið á NBA. Leikur Boston Celtics gegn New York Knicks fékk 48% meira áhorf en leikur sömu liða á sama tíma fyrir ári.