Að toppa Jones

Hið árlega ármótapartí Ármanns Þorvaldssonar, forstjóra Kaupþings í London, verður haldið með pompi og prakt nú um helgina. Þessar veislur eru fyrir löngu orðnar stórviðburður í viðskiptaheiminum. Á árum áður brá Ármann sér á svið og söng Delilu Toms Jones, en í fyrra mætti Tom Jones sjálfur og skemmti gestum.

Erfitt verður fyrir Ármann að toppa skemmtiatriðið í fyrra og margir velta því fyrir sér hvernig það verði toppað í ár. Helst eru menn á því að Elvis sjálfur mæti á svæðið í veislu ársins.