Viðskipti innlent

Í­hlutun vegna kaupa Ása á Öryggismiðstöð og Opnum kerfum nauð­syn­leg

Lovísa Arnardóttir skrifar
María Björk Einarsdóttir er forstjóri Ása. 
María Björk Einarsdóttir er forstjóri Ása.  Aðsend

Samkeppniseftirlitið hefur andmælt kaupum Ása, áður Símans, á öllu hlutafé í Opnum kerfum og Öryggismiðstöð Íslands og telur í sínu frummati að íhlutun vegna kaupanna sé nauðsynleg. Tilkynnt var um það til Kauphallar í gær.

Tilkynnt var um kaupin við lok árs í fyrra og að Síminn hefði keypt fyrirtækin fyrir fjórtán milljarða. Áætlað var að áætlað að árlegur rekstrarhagnaður Símans myndi aukast um 2,3 milljarða þegar samlegðaráhrifin vegna viðskiptanna væru að fullu komin fram. Fjallað var ítarlega um málið í Innherja að neðan. 

Fram kemur í tilkynningunni til Kauphallar að Ásar hafi skilað inn samrunatilkynningu vegna kaupa á Öryggismiðstöð Íslands þann 24. apríl 2026 og að lokafrestur til að ljúka rannsókn málsins sé þann 9. október 2026. Samrunatilkynningu vegna kaupa á Opnum kerfum hafi verið skilað inn þann 26. maí 2026 og lokafrestur til að ljúka rannsókn málsins sé 4. nóvember.

Í tilkynningunni segir að mat Samkeppniseftirlitsins sé að íhlutun sé nauðsynleg vegna kaupanna. Tekið er fram að andmælaskjal Samkeppniseftirlitsins feli ekki í sér bindandi stjórnvaldsákvörðun heldur sé það liður í meðferð málsins og gefi félaginu kost á að koma á framfæri skýringum, athugasemdum og gögnum áður en ákvörðun er tekin.

Endanleg afstaða til kaupanna liggi því ekki fyrir.

Fram kemur að lokum að Ásar hafi tíma til 25. september, föstudags í næstu viku, til að skila athugasemdum og að þau muni greina frá framvindu máls eftir því sem tilefni sé til.

Síminn (Ásar) Fjarskipti Kauphöllin Kaup og sala fyrirtækja

Tengdar fréttir

Saka Símann um undirboð með áskriftarpakka

Samkeppniseftirlitið hefur tilkynnt móðurfélagi Símans að það telji fyrirtæki hafa brotið samkeppnislög með skaðlegri undirverðlagningu á áskriftum að fjarskipta- og sjónvarpsþjónustu. Félagið segist ætla að taka til fullra varna í málinu.

Hætta við kaup á vef- og útvarpsmiðlum Sýnar

Kaup Ása hf. á vef- og útvarpsmiðlum Sýnar hf. verða ekki að veruleika. Frestur til að ganga frá endanlegum kaupsamningi er liðinn án þess að samningur hafi verið undirritaður en ákveðið var að falla frá viðskiptum eftir viðræður í kjölfar áreiðanleikakönnunar.

Síminn orðinn Ásar hf

Hluthafafundur Símans hf. samþykkti í dag að breyta nafni samstæðunnar í Ásar hf. Félagið hefur staðið í stórræðum síðasta árið en í desember síðastliðnum var tilkynnt um kaup þess á bæði Opnum kerfum og Öryggismiðstöð Íslands. Það var svo í júlí síðastliðnum sem kaup Ása á Greiðslumiðlun Íslands gengu í gegn.



Mest lesið


Fleiri fréttir

Sjá meira


×

Mest lesið