Robbie Williams út­skýrir dular­fulla hvíta efnið

Williams flutti lagið „Desire“ í hléinu á sunnudagskvöld með söngkonunum Nicole Scherzinger og Lauru Pausini. Hann fór síðan í viðtal hjá þýsku stöðinni Magenta TV með Jürgen Klopp, Mats Hummels, Thomasi Müller og fleiri góðum.

Williams var í góðu stuði í viðtalinu og í því miðju datt skyndilega lítið hvítt korn á hljóðnemann. Hann fjarlægði kornið snarlega en kom því svo óvart fyrir á enni sínu. Williams var fljótur að bregðast við kenningum netverja og annarra spekúlanta með því að birta myndband af sér berum að ofan uppi í rúmi á Instagram í gær.

„Vildi bara að biðjast afsökunar á hlutnum sem féll á hljóðnemann í gær,“ sagði Williams í upphafi myndbandsins.

„Ég var mjög ófagmannlegur og fólk hafði áhyggjur af mér en það er allt í lagi því ég er með nokkrar til viðbótar,“ sagði Williams, opnaði á sér munninn og sýndi þar tvær hvítar mintur á tungunni sinni.

Williams hefur gegnum árin verið opin með fíkn sína og var hún meðal annars til umfjöllunar í ævisögulegu myndinni A Better Man (2024) þar sem Williams var leikinn af tölvugerðum apa. 

Williams sagði við El País fyrr í mánuðinum að henn hefði ekki drukkið í 25 ár en það væri ekkert vandamál. „Erfiðasti hluturinn er að díla við lífið eins og það er. En ég treysti sjálfum mér núna,“ sagði hann.