Körfubolti

Spurs minnka muninn í úrslitaeinvíginu

Andri Broddason skrifar
Victor Wembanyama átti stórleik þegar San Antonio Spurs unnu New York Knicks í Madison Square Garden.
Victor Wembanyama átti stórleik þegar San Antonio Spurs unnu New York Knicks í Madison Square Garden. Dustin Satloff/Getty Images

San Antonio Spurs minnkaði muninn í úrslitum NBA eftir sigur á New York Knicks 115-111. Leikurinn var spilaður á Madison Square Garden, heimavelli Knicks.

Spurs náði með sigrinum að minnka forskot Knicks í úrslitakeppninni en Knicks unnu fyrstu tvo leikina. Spurs hafa fengið gott forskot í byrjun á öllum þrem leikjunum en hafa ekki náð að halda því út. Í nótt virtust þeir búnir að læra af því.

Victor Wembanyama hjá Spurs átti stórleik þar sem hann skoraði 32 stig og tók átta fráköst. Hann stjórnaði leiknum og sá til þess að Knicks kæmust aldrei í gírinn.

Seinni hálfleikur Knicks var ekki góður og náðu þeir aðeins að setja niður 47 stig. Þar vantaði stig frá Karl-Anthony Towns og Mikal Bridgers en þeir skoruðu samanlagt aðeins fjögur stig í seinni hálfleik. Jalen Brunson var stigahæstur í liði Knicks með 32 stig og OG Anunoby var stutt á eftir honum með 28.

Leikurinn í nótt var fyrsti úrslitaleikur NBA í New York síðan 1999. Það var því ljóst að mikill spenningur var í borginni fyrir þessum leik. Frægt fólk prýddi áhorfendastúkurnar og var Donald Trump Bandaríkjaforseti mættur á völlinn.

Næsti leikur er á miðvikudaginn og er leikið aftur í Madison Square Garden. Þar geta Spurs jafnað viðureignina eða Knicks bætt í forskotið.

NBA



Fleiri fréttir

Sjá meira


×