Körfubolti

Martin og fé­lagar tóku fyrsta skref að úr­slitum

Sindri Sverrisson skrifar
Martin Hermannsson með skot í leiknum í dag.
Martin Hermannsson með skot í leiknum í dag. Getty/Moritz Eden

Martin Hermannsson og liðsfélagar hans í Alba Berlín unnu öruggan sigur gegn Bamberg, 105-86, í fyrsta leik liðanna í undanúrslitaeinvígi þýsku úrvalsdeildarinnar í körfubolta.

Martin var valinn verðmætasti leikmaðurinn í 8-liða úrslitunum eftir að hafa farið á kostum með Berlínarliðinu en hafði aðeins hægara um sig í dag.

Hann skoraði engu að síður níu stig á 17 mínútum og var með næstflestar stoðsendingar eða sex talsins.

Liðin mætast aftur á mánudagskvöld en vinna þarf þrjá leiki til að komast í úrslitaeinvígið.

Í hinu undanúrslitaeinvíginu eru deildarmeistarar Bayern komnir í 1-0 gegn Bonn eftir 83-78 sigur í dag.

Þýski körfuboltinn

Mest lesið


Fleiri fréttir

Sjá meira


×

Mest lesið