Fyrsti samkynhneigði leik­maður NBA deildarinnar er látinn

Collins vakti heimsathygli á sínum tíma, þegar að hann opinberaði samkynhneigð sína í viðtali við Sports Illustrated árið 2013. 

Þar með varð hann ekki eingöngu fyrsti karlkyns atvinnuíþróttamaðurinn til þess að opinbera samkynhneigð sína í NBA deildinni, heldur einnig sá fyrsti í einu af stærstu atvinnumannaliðum Bandaríkjanna heilt yfir svið íþróttanna. 

Í yfirlýsingu NBA deildarinnar segir að Collins hafi látið lífið eftir hetjulegabaráttu við krabbamein í heila en sjálfur hafði Collins greint frá veikindum sínum á síðasta ári.

Collins hóf feril sinn í körfubolta fyrst af alvöru í Stanford háskólanum áður en leið hans lá í NBA deildina. Þar spilaði hann fyrir sex mismunandi lið á þrettán tímabilum sínum í deildinni.