Sig­fús Péturs­son Álftagerðisbróðir látinn

Í frétt á vef Feykis segir enn fremur að Sigfús hafi verið næstelstur sex systkina. Foreldrar Sigfúsar voru Pétur Sigfússon (1917–1987) og Sigrún Ólafsdóttir (1914–1990). Sigfús stundaði búskap í Álftagerði lengst af en bjó síðasta æviskeiðið í Varmahlíð.

Sigfús var þekktur fyrir háa tenórrödd sína. Í tilkynningu Feykis segir að hann hafi ungur gengið í karlakórinn Heimi og var hann einn af aðaleinsöngvurum kórsins um áratugaskeið. Hann hætti formlega að syngja einsöng með kórnum 2009.

Sigfús var í kvartettnum Álftagerðisbræður með bræðrum sínum. Þeir héldu stórtónleika árið 2019 í Hörpu þar sem þeir kvöddu sviðið.

Í frétt sem skrifuð var um það í Fréttablaðið kom fram að bræðurnir Pétur, Sigfús, Gísli og Óskar höfðu sungið saman frá því að þeir muna eftir sér en komu fyrst saman sem Álftagerðisbræður fyrir nærri 40 árum. Þá sungu þeir við jarðarför föður síns. Þeir öðluðust fljótt hylli sveitunga sinna og urðu skömmu síðar þekktir um allt land.

Í frétt Feykis segir að Rósin og Ökuljóð séu líklega lögin sem Sigfús sé þekktastur fyrir.