Sonurinn sendi á pabbann fyrir sögu­lega körfu

LeBron fékk sendinguna frá syni sínum á eigin vallarhelmingi, hljóp fram og tróð boltanum. Hann átti svo í þriðja leikhluta stoðsendingu á son sinn sem setti þá niður þriggja stiga körfu. Körfurnar má sjá hér að neðan.

Lakers voru að spila við Golden State Warriors og fögnuðu 119-103 sigri, þar sem hinn 41 árs gamli LeBron skoraði 26 stig og átti 11 stoðsendingar.

Hinn 21 árs Bronny skoraði tíu stig og átti þrjár stoðsendingar.

LeBron og Bronny eru fyrstu feðgarnir sem spila saman í NBA-deildinni og hafa verið að slá ýmis met saman síðustu tvö ár. Bronny nýtti sér það í nótt að fá að spila meira í ljósi fjarveru Luka Doncic, Austin Reaves og Marcus Smart.

Lakers eru í 4. sæti austurdeildarinnar en Warriors í 10. sæti en bæði lið eru á leið áfram í útsláttarkeppnina sem hefst eftir rúma viku.