Offset skotinn við spila­víti í Flórída

Offset er fæddur árið 1991 og tilheyrði vinsæla rapptríóinu Migos lengi vel með æskuvinum sínum frá Atlanta. Árið 2022 var meðrappari hans TakeOff skotinn til bana í Houston, Texas.

Offset heitir réttu nafni Kiari Kendrell Cephus og á sex börn úr fjórum samböndum. Frægasta ástarsamband hans er við rappdrottninguna Cardi B en hann bað hana oft opinberlega afsökunar á framhjáhaldi sínu, þar á meðal á tónleikum hjá Cardi. 

Skotið var á Offset á bílastæði við Seminole Hard Rock hótelið og spilavítið samkvæmt lögreglu á svæðinu en kúlan hitti í fótlegg hans. 

„Seminole lögreglan var strax mætt á svæðið og aðstæður leystar upp á örskotstundu. Tveir einstaklingar eru í haldi lögreglu og rannsókn er í gangi,“ sagði lögreglan við vefmiðilinn TMZ.