Spurð hvort hún væri að kyssa bróður sinn

Júlía Margrét hefur vakið athygli innan bókmenntasenunnar á undanförnum árum og náði nýjasta verk hennar Dúkkuverksmiðjan miklum vinsældum. 

Hún birti einlæga ástarfærslu af sér og Teiti fyrr í dag. 

„Í dag er afmæli! Því það er akkúrat eitt ár síðan ég kynntist þessum sæta gaur á Kalda bar og var spurð hvort ég væri að kyssa bróður minn,“ skrifar Júlía Margrét meðal annars á Instagram en þau voru fljót að komast að því að þau væru ekki mjög skyld.  

„Við erum blessunarlega bara skyld í sjöunda ættlið, en í akkúrat eitt ár hefur hann gert lífið þrjú hundruð milljón sinnum fallegra og betra.

Við ætlum að halda upp á hvort annað með því að skella okkur í helgarferð til London,“ bætir Júlía við á gramminu undir sætri paramynd.