Frá Sýn til Fastus

Elín Edda er löggiltur endurskoðandi með meistaragráðu í reikniskilum og endurskoðun. Hún lauk BS-gráðu í viðskiptafræði. Hún fer frá Sýn þar sem hún gegndi stöðu forstöðumanns uppgjörs og reikningsskila en þar áður starfaði hún hjá KPMG á endurskoðunarsviði.

„Við erum afar ánægð með að hafa ráðið Elínu Eddu sem fjármálastjóra hjá félaginu og bjóðum hana hjartanlega velkomna. Elín Edda er með mikla reynslu og hæfni á sviði fjármála og mun verða öflug viðbót við það sterka teymi starfsfólks sem fyrir er hjá félaginu,“ er haft eftir Guðrúnu Gunnarsdóttur, forstjóra Fastus, í tilkynningu frá félaginu.

Þar kemur fram að fyrirtækið skiptist annars vegar í Fastus heilsu og hins vegar Fastus lausnir, sem sér um þjónustu og ráðgjöf fyrir veitingastaði, hótel og fyrirtæki.

Vísir er í eigu Sýnar.