Verð­bólgan 4,1% og fer upp á milli mánaða

Vísitala neysluverðs, miðuð við verðlag í september á þessu ári er 658,3 stig hækkar þannig frá fyrri mánuði. Vísitala neysluverðs án húsnæðis er 525,8 stig og lækkar um 0,13% frá því í ágúst 2025.

„Föt og skór hækkuðu um 2,9% (áhrif á vísitölu 0,10%) og kostnaður vegna búsetu í eigin húsnæði (reiknuð húsaleiga) hækkaði um 0,9% (0,18%). Verð á flugfargjöldum til útlanda lækkaði um 15,4% (-0,39%),“ segir meðal annars í tilkynningu Hagstofunnar.

Síðastliðna tólf mánuði hafi vísitala neysluverðs hækkað um 4,1% og vísitala neysluverðs án húsnæðis um 3,2%. „Vísitala neysluverðs samkvæmt útreikningi í september 2025, sem er 658,3 stig, gildir til verðtryggingar í nóvember 2025,“ segir ennfremur í tilkynningunni.

Þróun vísitölu neysluverðs má sjá í grafinu hér að neðan.

Fréttin hefur verið uppfærð.