Innlent

Gríðar­legur fjöldi á mót­mælunum Þjóð gegn þjóðarmorði

Silja Rún Sigurbjörnsdóttir skrifar
Einn mótmælandi bjó til eftirlíkingu af höfði Þorgerði Katrínar Gunnarsdóttur utanríkisráðherra.
Einn mótmælandi bjó til eftirlíkingu af höfði Þorgerði Katrínar Gunnarsdóttur utanríkisráðherra. Vísir/Viktor Freyr

Mikill fjöldi fólks er saman kominn á Austurvelli á mótmælunum Þjóð gegn þjóðarmorði. Fjöldafundir fara fram um allt land í dag til að krefja ríkisstjórn Íslands um aðgerðir í málefni Palestínu. 

Í Reykjavík safnaðist fólk saman á Austurvelli þar sem meðal annars Finnbjörn A. Hermannsson, forseti ASÍ, Fida Abu Libdeh, tæknifræðingur og frumkvöðull, og Matthildur Bjarnadóttir, prestur í Garðasókn, héldu erindi. Þá tók Páll Óskar eitt lag auk þess sem Tabit Lakhda og Rima Nasser fluttu tónlist.

Á Akureyri sá Drífa Snædal, talskona Stígamóta, um fundarstjórn og tóku meðal annars til máls Katla Ósk Káradóttir, fulltrúi Stúdentafélags Háskólans á Akureyri, og Kristín S. Bjarnadóttir, hjúkrunarfræðingur og stofnandi Vonarbrúar. Þá lásu Edda Björgvinsdóttir leikkona og Hlynur Hallsson myndlistarmaður frá Gasa.

Prestar í Glerárkirkju standa einnig fyrir gjörningi í allan dag og lesa nöfn allra barna sem látist hafa í Palestínu og Ísrael frá 7. október 2023.

Á Egilsstöðum var hlaðvarpsstjórnandinn Unnur Borgþórsdóttir fundarstjóri og flutti Þórunn Ólafsdóttir ræðu samda af Palestínufólki í Palestínu. Nanna Imsland og Margrét Lára Þórarinsdóttir fluttu lög.

Einnig var fjöldafundur á Silfutorgi á Ísafirði. Þar héldu bæði Magnús Erlingsson, sóknarprestur á Ísafirði, og Aðalbjörg Sigurjónsdóttir hjúkrunarfræðingur ræður. Nadja Sophie Terese Widell flutti ljóð.

Hér má sjá nokkrar myndir frá mótmælunum á Austurvelli.

Mikill fjöldi fólks kom saman á Austurvelli í dag.vísir/viktor freyr
Páll Óskar tók lagið.Vísir/Viktor Freyr
Margar myndir og skilti voru hátt á lofti.Vísir/Viktor Freyr
185 félög standa að fundunum út um allt land.Vísir/Viktor Freyr
Fjöldi fólks var saman kominn.Vísir/Viktor Freyr
Fána Palestínu var veifað.Vísir/Viktor Freyr
Ótal mótmælaspjöldVísir/Viktor Freyr
Helvítis fokking fokk!Vísir/Viktor Freyr
Margir mótmælendur veifuðu palestínska fánanum.Vísir/Viktor Freyr
Yfirskrift mótmælanna var: Þjóð gegn þjóðarmorðiVísir/Viktor Freyr



Fleiri fréttir

Sjá meira


×