Ís­lenskur Hollywood-leikari selur í­búð í Seljahverfinu

Hlynur fór með hlutverk drengsins Bam-Bam, sonar Barney og Betty Rubble, í stórmyndinni The Flintstones (1994) sem Brian Levant leikstýrði og var framleidd af Steven Spielberg.

Hlynur og tvíburabróðir hans Marinó skiptu hlutverkinu á milli sín og léku á hvíta tjaldinu með Hollywood-leikurum á borð við John Goodman, Rick Moranis, Jay Leno, Rosie O'Donnell, Halle Berry og Elizabeth Taylor.

Bræðurnir ákváðu báðir að hætta á toppnum aðeins sex ára gamlir og sögðu skilið við leiklistarferilinn.

Sérinngangur og pallur

Umrædd íbúð Hlyns og Kelsey er á jarðhæð með sérinngangi. Eignin hefur verið mikið endurnýjuð á síðustu árum og skiptist í forstofu, stofu, borðstofu og eldhús, tvö svefnherbergi, þvottahús og baðherbergi. Úr stofu er útgengt á stóra verönd sem snýr í suðvestur.

Í eldhúsi er nýleg svört U-laga innrétting með gott skápapláss og borðkrók.

Nánari upplýsingar á fasteignavef Vísis.