Ástarleikir á fjöl­breyttum stöðum

Í nýlegri grein á vef Women’s Health segir kynlífsráðgjafinn Amy Levine að það krefjist mikils trausts á milli einstaklinga að kanna nýjar hliðar á kynlífi:

„Það gefur ykkur tækifæri á að prófa ykkur áfram að nýjum og spennandi upplifunum.“ 

Hún bendir einnig á mikilvægi samþykkis milli einstaklinga áður en ákveðið er að færa kynferðislegar athafnir út fyrir heimilið: „Þetta á einnig við um þá sem kunna að vera í kringum ykkur sem hafa ekki óskað eftir því að vera áhorfendur af ykkur kynlífi,“ segir Levine.

Hún segist fagna því að fólk sé opið fyrir nýjum og ævintýralegum upplifunum í kynlífi en það sé mikilvægt að sýna tillitsemi og virðingu gagnvart öðrum sem kunna að vera í kring.

Hér að neðan má finna hugmyndir að nokkrum fjölbreyttum og óvenjulegum stöðum til að stunda kynlíf á.

Í bílnum

Bíllinn getur verið spennandi staður til að stíga út fyrir þægindarammann. Leggið hann á afskekktum stað að kvöldi til, þar sem þið njótið bæði næðis og hafið stjórn á aðstæðum.

Í garðinum eða úti á svölum

Kynlíf úti í garði eða á svölunum veitir næði og öryggi, en getur líka verið smá spennandi þar sem einhver gæti orðið var við ykkur.

Á hótelherbergi

Breytið um umhverfi og farið á hótel saman. Það er eitthvað sem gerir kynlífið enn heitara á fallegu hótelherbergi. Ef þið viljið bæta við smá spennu hafið þá gluggatjöldin opin á meðan.

Á ströndinni

Að sögn Levine eru það draumórar margra að stunda kynlíf á strönd. Hún mælir með því að fólk setji teppi undir sig til að forðast það fá sand upp í sitt allra heilagasta.

Undir berum himni í náttúrunni

Hver elskar ekki að njóta samverunnar undir berum himni umvafin fallegri náttúru í kyrrðinni. Þá sé gott að velja stað þar sem þið eruð umkringd trjám eða háu grasi svo að enginn sjái til ykkar.