Segir Höllu ekki skilja um hvað málið snýst Jón Ísak Ragnarsson skrifar 6. ágúst 2025 12:17 Sólveig Anna á erfitt með að skilja yfirlýsingar Höllu Gunnarsdóttur um tillögur dómsmálaráðherra um dvalarleyfismál. Vísir/Vilhelm „Stjórnlausar dvalarleyfisveitingar eru ekki hagur neins og það er að mínu mati undarlegt að forystufólk verkalýðshreyfingarinnar stígi fram til stuðnings þess. Það er ekki slæmt að dómsmálaráðuneytið vilji herða þessi skilyrði - slíkt mun vonandi styðja við heilbrigðan vinnumarkað hér á landi.“ Þetta segir Sólveig Anna Jónsdóttir, formaður Eflingar, í færslu á samfélagsmiðlum, en þar bregst hún við skrifum Höllu Gunnarsdóttur formanns VR, um grein Þorbjargar Sigríðar Gunnlaugsdóttur dómsmálaráðherra, þar sem hún boðar hertar reglur um dvalarleyfi fólks utan EES. Dómsmálaráðherra birti grein í gærmorgun undir yfirskriftinni „Við þurfum ekki að loka landinu - við þurfum að opn augun“ þar sem hún boðaði stefnubreytingu í útlendingamálum. Halla Gunnarsdóttir sagði margt að athuga við röksemdir dómsmálaráðherra og sagði meðal annars að flestir innflytjendur utan EES kæmu frá Úkraínu, Bandaríkjunum og Filippseyjum. Sagði hún meðal annars að filippseyskir hjúkrunarfræðingar héldu uppi hluta heilbrigðisþjónustunnar á Íslandi. Augljóst að dvalarleyfiskerfið sé gallað „Ég verð að viðurkenna að ég á erfitt með að skilja yfirlýsingar formanns VR um tillögur dómsmálaráðherra um dvalarleyfismál. Það er augljóst að núverandi kerfi á innflutningi verkafólks frá löndum utan EES í gegnum dvalarleyfi er gallað,“ segir Sólveig Anna. Alvarleg tilfelli um misnotkun vinnuafls hafi komið í gegnum dvalarleyfiskerfið, til að mynda mál Víetnamanna á vegum Qang Le. „Það fólk sem að lenti í klónum á Quang Le kom hingað á löglegum atvinnu- og dvalarleyfum.“ Mikill skortur á starfsfólki í fátækari löndum Sólveig hnýtir svo í að Halla hafi látið í veðri vaka að mikill innflutningur hjúkrunarfræðinga frá Filippseyjum sé góður hlutur. „Alþjóðaheilbrigðismálastofnunin (WHO) hefur tekið afstöðu gegn því að hátekjulönd manni störf hjúkrunarfræðinga með því að flytja þá inn frá fátækari löndum, enda er skortur á heilbrigðisstarfsfólki enn meira vandamál þar en hér.“ Það sé skýr reynsla Eflingar að einstaklingar frá löndum utan EES sem hingað komi til starfa séu miklu líklegri en aðrir til að lenda í klóm óprúttinna atvinnurekenda. „Atvinnurekendur stunda skipulagðan launaþjófnað á þeim og nota sér svo ástandið til að lækka standardinn fyrir allt launafólk á landinu.“ Hlustar ekki á umvandanir fáfróðs millistéttarfólks Sólveig segir að svo virðist sem formaður VR skilji ekki hvað málið snúist um, eða hún sé mögulega að leita sér að tækifærum til dyggðaskreytingar í innflytjendamálum sem hún segir leiðan og þreytandi sið. „Í yfirlýsingu hennar er miklu púðri varið í að ræða um fólksflutninga innan EES, líkt og það standi til hjá Evrópusinnnanum Þorbjörgu Sigríði að stöðva þá. En grein dómsmálaráðherra fjallaði alls ekkert um það, heldur um dvalarleyfisveitingar frá löndum utan EES - frekar skýrt og óþarfi að valda frekari óreiðu og ruglingi um það.“ „Áður en að hin árvökula hjörð mætir til að ausa yfir mig úr sínum dyggðugu hjörtum þá vil ég taka fram að ég styð full réttindi og jöfnuð allra sem starfa á íslenskum vinnumarkaði óháð uppruna. Ég er stolt af að leiða stéttarfélag sem hefur tekið svokallaða inngildingu aðflutts vinnuafls alvarlega og nenni ekki að hlusta á umvandanir frá fáfróðu millistéttarfólk um það. Góðar stundir,“ segir Sólveig að lokum. Innflytjendamál Vinnumarkaður Stéttarfélög Ríkisstjórn Kristrúnar Frostadóttur Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Sjá meira
Þetta segir Sólveig Anna Jónsdóttir, formaður Eflingar, í færslu á samfélagsmiðlum, en þar bregst hún við skrifum Höllu Gunnarsdóttur formanns VR, um grein Þorbjargar Sigríðar Gunnlaugsdóttur dómsmálaráðherra, þar sem hún boðar hertar reglur um dvalarleyfi fólks utan EES. Dómsmálaráðherra birti grein í gærmorgun undir yfirskriftinni „Við þurfum ekki að loka landinu - við þurfum að opn augun“ þar sem hún boðaði stefnubreytingu í útlendingamálum. Halla Gunnarsdóttir sagði margt að athuga við röksemdir dómsmálaráðherra og sagði meðal annars að flestir innflytjendur utan EES kæmu frá Úkraínu, Bandaríkjunum og Filippseyjum. Sagði hún meðal annars að filippseyskir hjúkrunarfræðingar héldu uppi hluta heilbrigðisþjónustunnar á Íslandi. Augljóst að dvalarleyfiskerfið sé gallað „Ég verð að viðurkenna að ég á erfitt með að skilja yfirlýsingar formanns VR um tillögur dómsmálaráðherra um dvalarleyfismál. Það er augljóst að núverandi kerfi á innflutningi verkafólks frá löndum utan EES í gegnum dvalarleyfi er gallað,“ segir Sólveig Anna. Alvarleg tilfelli um misnotkun vinnuafls hafi komið í gegnum dvalarleyfiskerfið, til að mynda mál Víetnamanna á vegum Qang Le. „Það fólk sem að lenti í klónum á Quang Le kom hingað á löglegum atvinnu- og dvalarleyfum.“ Mikill skortur á starfsfólki í fátækari löndum Sólveig hnýtir svo í að Halla hafi látið í veðri vaka að mikill innflutningur hjúkrunarfræðinga frá Filippseyjum sé góður hlutur. „Alþjóðaheilbrigðismálastofnunin (WHO) hefur tekið afstöðu gegn því að hátekjulönd manni störf hjúkrunarfræðinga með því að flytja þá inn frá fátækari löndum, enda er skortur á heilbrigðisstarfsfólki enn meira vandamál þar en hér.“ Það sé skýr reynsla Eflingar að einstaklingar frá löndum utan EES sem hingað komi til starfa séu miklu líklegri en aðrir til að lenda í klóm óprúttinna atvinnurekenda. „Atvinnurekendur stunda skipulagðan launaþjófnað á þeim og nota sér svo ástandið til að lækka standardinn fyrir allt launafólk á landinu.“ Hlustar ekki á umvandanir fáfróðs millistéttarfólks Sólveig segir að svo virðist sem formaður VR skilji ekki hvað málið snúist um, eða hún sé mögulega að leita sér að tækifærum til dyggðaskreytingar í innflytjendamálum sem hún segir leiðan og þreytandi sið. „Í yfirlýsingu hennar er miklu púðri varið í að ræða um fólksflutninga innan EES, líkt og það standi til hjá Evrópusinnnanum Þorbjörgu Sigríði að stöðva þá. En grein dómsmálaráðherra fjallaði alls ekkert um það, heldur um dvalarleyfisveitingar frá löndum utan EES - frekar skýrt og óþarfi að valda frekari óreiðu og ruglingi um það.“ „Áður en að hin árvökula hjörð mætir til að ausa yfir mig úr sínum dyggðugu hjörtum þá vil ég taka fram að ég styð full réttindi og jöfnuð allra sem starfa á íslenskum vinnumarkaði óháð uppruna. Ég er stolt af að leiða stéttarfélag sem hefur tekið svokallaða inngildingu aðflutts vinnuafls alvarlega og nenni ekki að hlusta á umvandanir frá fáfróðu millistéttarfólk um það. Góðar stundir,“ segir Sólveig að lokum.
Innflytjendamál Vinnumarkaður Stéttarfélög Ríkisstjórn Kristrúnar Frostadóttur Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Sjá meira