Innlent

Önnur sprunga opnast

Sunna Sæmundsdóttir, Sólrún Dögg Jósefsdóttir, Jón Þór Stefánsson og Rafn Ágúst Ragnarsson skrifa
Eldgos hófst rétt fyrir klukkan fjögur í nótt.
Eldgos hófst rétt fyrir klukkan fjögur í nótt. Björn Steinbekk

Eldgos stendur yfir á Sundhnúksgígaröðinni. Áköf skjálftahrina hófst rétt fyrir miðnætti og kvikuhlaup skömmu síðar. Gosið hófst rétt fyrir klukkan fjögur. Tvær gossprungur eru virkar. Sú fyrri og stærri á upptök sín suðaustan við Litla-Skógfell. Sú nýrri og minni er vestar við Fagradalsfjall. Gosið er ekki talið ógna innviðum.

Samhæfingarstöð almannavarna var virkjuð upp úr miðnætti og hættustigi síðar lýst yfir. Gosið er norðan við upptök skjálftahrinunnar á milli Stóra-Skógfells og Sýlingarfells. Búið er að rýma tjaldsvæðið í Grindavík og Bláa Lónið og samkvæmt almannavörnum hefur rýming gengið vel í Grindavíkurbæ.

Gossprungan er tæpir tveir kílómetrar að lengd.Björn Steinbekk

Fylgst verður með gangi mála í vaktinni hér að neðan.

Ef vaktin birtist ekki hér að neðan er ráð að endurhlaða (e. refresh) síðuna.

Eldgos og jarðhræringar Eldgos á Reykjanesskaga Grindavík

Mest lesið


Fleiri fréttir

Sjá meira
×

Mest lesið