Al­var­lega særður eftir hnífstunguárás

Lögreglu barst tilkynning af málinu rétt eftir klukkan ellefu í gærkvöldi. Er hana bar að garði fannst brotaþolinn alvarlega særður er segir í tilkynningu frá lögreglu. Árásin átti sér stað á bílastæði í Mjóddinni í Reykjavík.

Særði maðurinn var fluttur á sjúkrahús og er í alvarlegu ástandi. Að sögn Ásmundar Rúnars Gylfasonar, aðstoðaryfirlögregluþjóns hjá Lögreglunni á höfuðborgarsvæðinu, er um að ræða alvarlega áverka.

Karlmaður á þrítugsaldri er grunaður um árásina og var hann handtekinn á vettvangi.