Matti og Bryn­hildur selja slotið og stefna á sveita­sæluna

Síðustu ár hefur fjölskyldan búið í íbúð við Fossvogsdal, nánar tiltekið við Álfatún 12, þá í fimm herbergja íbúð á jarðhæð.

En nú hyggst fjölskyldan flytja í sveitina. „Þetta er búið að vera draumur hjá okkur nánast frá því að Sóley litla fæddist fyrir þremur árum síðan að fara út fyrir bæjarmörkin og vera nær náttúrunni,“ segir Matthías Tryggvi í samtali við fréttastofu.

Og nú hefur fjölskyldan fundið eign í Hvalfjarðarsveit sem þeim hugnast, að sögn Matthíasar. 

Matthías er í hljómsveitinni Hatara, sem gerði garðinn frægan í Eurovision 2020, en starfar nú í Þjóðleikhúsinu. Bryhildur er leikkona og syngur auk þess í hljómsveitinni Kvikindi, sem vann íslensku tónlistarverðlaunin árið 2023.

Bæði eru þau úr Reykjavík. Mmaður myndi í raun halda að slíkar listaspírur vildu halda sig innan bæjarmarka frekar en að flytja út á land. Hvað kemur til að þau flyti úr bænum?

„Við erum listaspírur, en líka náttúruunndendur og friðelskendur, og trúum því að litla tær að trítla í læk og túni sé það mikilvægasta í heiminum,“ svarar Matthías. Hann gerir þó ráð fyrir því að halda áfram að vinna í borginni, „bestu vinnu í heimi“ að eigin sögn, en mun nú þurfa að aka Hvalfjarðargöngin. „Ég tek það á kassann,“ segir hann. 

Parið vonast þess vegna eftir því að einhver kaupi af þeim húsið, sem er lesa má meira um á fasteignavef Vísis.