Ó­vænt stjarna með súperinn­komu af bekknum þegar Pacers komst í 2-1

Óvænt stjarna leiksins var hinn 22 ára gamli Bennedict Mathurin sem kom með 27 stig inn af bekknum í þessum leik.

Bekkurinn hjá Pacers gerði algjörlega útslagið því hann skilaði 49 stigum á móti aðeins átján stigum frá bekknum hjá Thunder.

Mathurin kom sér í mjög góðan hóp með þessari frammistöðu sinni því aðeins fimm aðrir hafa skorað 25 stig eða meira í lokaúrslitum 22 ára og yngri. Hinir eru Kawhi Leonard, LeBron James, Tony Parker, Kobe Bryant og Magic Johnson.

Tyrese Haliburton var einnig mjög öflugur hjá Pacers með 22 stig, 11 stoðsendingar og 9 fráköst.

„Við erum bara með gæja sem skila fyrir okkur í sókn eftir sókn. Bekkurinn okkar var stórkostlegur og þetta var stór sigur fyrri okkur,“ sagði Haliburton eftir leikinn.

T.J. McConnell var annar sem sterka innkomu af bekknum en hann skilaði 10 stigum, 5 stoðsendingum og 5 stolnum boltum.

Þetta var fyrsti leikurinn í Indianapolis en Pacers vann fyrsta leik einvígsins í Oklahoma City. Næsti leikurinn er líka á heimavelli Indiana Pacers.

Hjá Thunder var Jalen Williams með 26 stig, Shai Gilgeous-Alexander skoraði 24 stig og Chet Holmgren var með 20 stig.

Hér fyrir neðan má sjá lokakafla leiksins, viðtal við Tyrese Haliburton og sérfræðinga Stöð 2 Sport gera upp leikinn í nótt.