Turnarnir svínvirka en fegrunaraðgerðir í farvatninu Vésteinn Örn Pétursson skrifar 3. júní 2025 07:01 Myndavélum á toppi turnspírunnar er beint í allar áttir, að vegfarendum við Hallgrímskirkju. Allt til þess að draga úr hættunni á að góðir og grandvarir borgarar verði fyrir barðinu á fingralöngum vasaþjófum. Vísir/Anton Brink Lögreglufulltrúi í Reykjavík segir umdeilda varðturna sem komið hefur verið upp við Hallgrímskirkju og neðst á Skólavörðustíg virðast skila tilætluðum árangri. Tilkynningum um vasaþjófnað í grennd við turnana hafi snarfækkað. Unnið er að því að gera turnana eilítið huggulegri. Nokkuð hefur verið fjallað um varðturnana, sem fólk hefur deilt um hvort telja megi forláta eða forljóta. Þannig hefur lögreglan sagt að turnunum sé ætlað að hafa fælingarmátt gagnvart vasaþjófum, sem hafa að undanförnu gert sig gildandi á fjölförnum stöðum í borginni. Aðrir hafa sagt turnana hlægilega ljóta, til að mynda arkítekt sem fréttastofa ræddi við. Hvað sem útliti turnanna líður virðast þeir þjóna tilgangi sínum, sem er að draga úr vasaþjófnaði þar sem þeir standa, prýðilega. Engar tilkynningar frá því turnarnir fóru upp Í samtali við Vísi segir Guðmundur Pétur Guðmundsson lögreglufulltrúi að engar tilkynningar hafi borist um vasaþjófnað frá því turnarnir voru reistir um þarsíðustu helgi. Turninn er merktur í bak og fyrir. Bæði fyrirtækinu sem starfrækir hann en einnig lögreglunni.Vísir/Anton Brink „Það getur vel verið að það læðist inn eitthvað með tímanum, en síðan turnarnir fóru upp hef ég ekki fengið vasaþjófnaðartilkynningu til mín,“ segir Guðmundur. Takið þið þessu þá sem merki um að turnarnir séu að svínvirka? „Já. Það er auðvitað stuttur tími liðinn, en já, þetta lofar góðu.“ Til skoðunar að fegra turnana Guðmundur segist vel meðvitaður um umræðu á þá leið að turnarnir séu forljótur umhverfislegur ófögnuður. „Ég var búinn að gefa það til kynna að þetta mætti alveg líta betur út. Það var bara verið að reyna að stöðva þá blæðingu sem varð þarna. En það stendur nú til að fegra þá. Þetta er svona tilraunaverkefni í sumar. Það er komin tillaga frá eiganda turnanna, sem er fyrirtækið Vörn, um að láta þá líta aðeins betur út.“ Guðmundur Pétur segir varðturnana virðast þjóna tilgangi sínum með prýðilegum árangri.Vísir/Einar Slík tillaga fara í gegnum hönnunardeild hjá borginni, en Guðmundur gerir ráð fyrir að hún verði samþykkt. „Þá verða límdar einhverjar filmur á með öðruvísi áferð, þannig að þetta líti öðruvísi út og fellur betur inn í umhverfið. Við sjáum til með það, en stór hluti af þessu er líka að vera sýnilegur og hrinda frá. Nú á bara eftir að koma í ljós hvort þessir vasaþjófar færi sig einhvert annað, jafnvel í önnur sveitarfélög. Það er alþekkt að þegar lögregla beitir meira eftirliti á ákveðnum stöðum þá færast afbrotin annað. Það á bara eftir að koma í ljós.“ Gæti þá verið von á því að það dúkki upp fleiri turnar, víðar um borgina? „Þetta eru nú aðalstaðirnir. Þarna er mesti mannfjöldinn. Við erum með myndavélar annars staðar í bænum þar sem fólk er að koma saman, en þær eru alls ekki jafn sýnilegar. Enda hefur gefist meiri tími til að hanna þær,“ segir Guðmundur. Turninn við Hallgrímskirkju hefur vakið mikla athygli.Vísir/Anton Brink Lögreglumál Reykjavík Mest lesið Stafræn skírteini hætta í símaveskjum Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Dæmdur í 21 árs fangelsi fyrir að nauðga tugum skjólstæðinga Erlent Framtíð kirkjunnar enn óráðin Innlent Eldar loguðu í Kænugarði eftir umfangsmiklar árásir Rússa Erlent Mörgu ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Strandveiðisjómenn vilji aftur fá kvóta sem þeir hafi selt frá sér Innlent Brotlentu öðru einkafari á tunglinu Erlent Fleiri fréttir Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Sjá meira
Nokkuð hefur verið fjallað um varðturnana, sem fólk hefur deilt um hvort telja megi forláta eða forljóta. Þannig hefur lögreglan sagt að turnunum sé ætlað að hafa fælingarmátt gagnvart vasaþjófum, sem hafa að undanförnu gert sig gildandi á fjölförnum stöðum í borginni. Aðrir hafa sagt turnana hlægilega ljóta, til að mynda arkítekt sem fréttastofa ræddi við. Hvað sem útliti turnanna líður virðast þeir þjóna tilgangi sínum, sem er að draga úr vasaþjófnaði þar sem þeir standa, prýðilega. Engar tilkynningar frá því turnarnir fóru upp Í samtali við Vísi segir Guðmundur Pétur Guðmundsson lögreglufulltrúi að engar tilkynningar hafi borist um vasaþjófnað frá því turnarnir voru reistir um þarsíðustu helgi. Turninn er merktur í bak og fyrir. Bæði fyrirtækinu sem starfrækir hann en einnig lögreglunni.Vísir/Anton Brink „Það getur vel verið að það læðist inn eitthvað með tímanum, en síðan turnarnir fóru upp hef ég ekki fengið vasaþjófnaðartilkynningu til mín,“ segir Guðmundur. Takið þið þessu þá sem merki um að turnarnir séu að svínvirka? „Já. Það er auðvitað stuttur tími liðinn, en já, þetta lofar góðu.“ Til skoðunar að fegra turnana Guðmundur segist vel meðvitaður um umræðu á þá leið að turnarnir séu forljótur umhverfislegur ófögnuður. „Ég var búinn að gefa það til kynna að þetta mætti alveg líta betur út. Það var bara verið að reyna að stöðva þá blæðingu sem varð þarna. En það stendur nú til að fegra þá. Þetta er svona tilraunaverkefni í sumar. Það er komin tillaga frá eiganda turnanna, sem er fyrirtækið Vörn, um að láta þá líta aðeins betur út.“ Guðmundur Pétur segir varðturnana virðast þjóna tilgangi sínum með prýðilegum árangri.Vísir/Einar Slík tillaga fara í gegnum hönnunardeild hjá borginni, en Guðmundur gerir ráð fyrir að hún verði samþykkt. „Þá verða límdar einhverjar filmur á með öðruvísi áferð, þannig að þetta líti öðruvísi út og fellur betur inn í umhverfið. Við sjáum til með það, en stór hluti af þessu er líka að vera sýnilegur og hrinda frá. Nú á bara eftir að koma í ljós hvort þessir vasaþjófar færi sig einhvert annað, jafnvel í önnur sveitarfélög. Það er alþekkt að þegar lögregla beitir meira eftirliti á ákveðnum stöðum þá færast afbrotin annað. Það á bara eftir að koma í ljós.“ Gæti þá verið von á því að það dúkki upp fleiri turnar, víðar um borgina? „Þetta eru nú aðalstaðirnir. Þarna er mesti mannfjöldinn. Við erum með myndavélar annars staðar í bænum þar sem fólk er að koma saman, en þær eru alls ekki jafn sýnilegar. Enda hefur gefist meiri tími til að hanna þær,“ segir Guðmundur. Turninn við Hallgrímskirkju hefur vakið mikla athygli.Vísir/Anton Brink
Lögreglumál Reykjavík Mest lesið Stafræn skírteini hætta í símaveskjum Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Dæmdur í 21 árs fangelsi fyrir að nauðga tugum skjólstæðinga Erlent Framtíð kirkjunnar enn óráðin Innlent Eldar loguðu í Kænugarði eftir umfangsmiklar árásir Rússa Erlent Mörgu ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Strandveiðisjómenn vilji aftur fá kvóta sem þeir hafi selt frá sér Innlent Brotlentu öðru einkafari á tunglinu Erlent Fleiri fréttir Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Sjá meira