Sjáðu miðjumark Sverris, tvennu Tobiasar, rautt á Alex og Atla stela sigri

Breiðablik - Víkingur 3-0

Tobias Thomsen skoraði tvö marka Blika og lagði upp eitt fyrir Viktor Örn Margeirsson. Víkingar náðu að minnka muninn í lokin þegar Matthías Vilhjálmsson komst inn í sendingu Antons Ara Einarssonar, markvarðar Blika.

ÍA - ÍBV 0-3

Alex Freyr Hilmarsson braut ísinn rétt fyrir hálfleik. Sverrir Páll Hjaltested skoraði svo tvö fyrir ÍBV í seinni hálfleik, annað þeirra frá miðjum vellinum.

KA - Stjarnan 1-1

Benedikt Warén kom Stjörnunni yfir eftir rúman hálftíma. Stjarnan spilaði svo einum færri frá 38. mínútu eftir að Alex Þór Hauksson fékk reisupassann. KA jafnaði svo leikinn undir lok venjulegs leiktíma með marki Ásgeirs Sigurgeirssonar.

KR - Vestri 2-1

Daði Berg Jónsson kom Vestramönnum yfir undir lok fyrri hálfleiks. Eiður Gauti Sæbjörnsson jafnaði metin svo fyrir KR á sjötugustu mínútu, eftir stoðsendingu Atla Hrafns Andrasonar sem skoraði sigurmarkið undir lok leiks.

FH - Afturelding 0-0

FH og Afturelding gerðu markalaust jafntefli sín í milli. Lesa má um leikinn hér fyrir neðan.

Lokaleikur umferðarinnar

Umferðinni lýkur í kvöld og landsleikjahlé tekur við eftir leik Vals og Fram á Hlíðarenda. Valsmenn geta með sigri komið sér upp fyrir Vestra í þriðja sætið og setið aðeins tveimur stigum frá toppnum. Leikurinn hefst klukkan korter yfir sjö og verður í beinni útsendingu á Stöð 2 Sport. Stúkan gerir umferðina alla upp í beinu kjölfari.