Sigur­vegarinn vill banna Ísrael

Þetta kemur fram í viðtali við spænsku sjónvarpsstöðina EL Pais.

„Það er vonbrigði að Ísrael fái enn að taka þátt. Ég vona að keppnin í Vínarborg á næsta ári verði án þeirra. En þetta er á ábyrgð EBU, við listamenn getum aðeins tjáð okkur,“ segir JJ.

Ísrael hafnaði í öðru sæti í keppninni í ár með 357 stig.

JJ gagnrýnir einnig kosningakerfið og telur nauðsynlegt að auka gagnsæi í símatkvæðagreiðslunni. Hann segir að Eurovision þurfi breytingar, sérstaklega þegar kemur að því hvaða lönd fá að vera með og hvernig atkvæði eru talin.

Þátttaka Ísraels vakti mikla gagnrýni í ár vegna stríðsins í Gaza. Nokkrar evrópskar sjónvarpsstöðvar, þar á meðal frá Belgíu, Hollandi, Írlandi, Íslandi og Finnlandi, hafa krafist þess að EBU rannsaki hvort eitthvað hafi verið óeðlilegt við niðurstöður atkvæðagreiðslunnar. 

En Ísrael fékk meðal annars fullt hús stiga í símakosningu frá Belgíu, Spáni og Svíþjóð, en engin stig frá dómnefndum þessara landa. Þetta hefur vakið spurningar um mögulegt misræmi í atkvæðagreiðslunni.