Austur­ríki sigur­vegari Euro­vision 2025

Austurríki tók snemma forystu í stigagjöf dómara og hlaut á endanum 258, langt á undan næsta landi, Sviss, sem fékk 214. Austurríki fékk síðan 178 frá almenningi sem tryggði þeim á endanum sigur með 436. Ísrael hafnaði í öðru sæti með 357 stig og Eistland í því þriðja með 356 stig.

Austurríki vann síðast Eurovision árið 2015 þegar Conchita Wurst söng lagið „Rise Like a Phoenix“ og þar áður árið 1966 þegar Udo Jürgens söng „Merci, Chérie“.

Hér að neðan má sjá flutning JJ á úrslitakvöldinu í kvöld:

Austurríki fóru snemma í annað sæti hjá veðbönkum, í raun rétt eftir að „Wasted Love“ kom út í byrjun mars. Vefsíðan Eurovisionworld tekur saman vinningslíkur allra keppenda frá veðbönkum vítt og breitt um heim og þar voru vinningslíkur Austurríkis metnar sem 21 prósent á keppnisdag.