Spá ó­breyttum stýri­vöxtum

Þetta kemur fram í tilkynningu á vef Íslandsbanka. Þar segir að þrálátur verðbólguþrýstingur, háar verðbólguvæntingar og merki um seiglu í innlendri eftirspurn muni trúlega vega þyngra en vísbendingar um minnkandi spennu á vinnumarkaði og fasteignamarkaði. Geri bankinn að ráð fyrir að vaxtalækkunarferlinu verði haldið áfram á seinni hluta ársins og að það standi fram undir lok næsta árs.

„Óhagstæðari þróun verðbólgu og verðbólguvæntinga undanfarið en nefndin vonaðist til ásamt merkjum um áframhaldandi seiglu í eftirspurn þrátt fyrir háa raunvexti vegur þar trúlega þyngra en hjaðnandi húsnæðisverðbólga og merki um minnkandi spennu á vinnumarkaði. Þó eru einnig talsverðar líkur á því að 0,25 prósentu vaxtalækkunarskref verði stigið í næstu viku 21. maí. 

Stærra vaxtalækkunarskref teljum við hins vegar afar ólíklegt enda væri nefndin með því að breyta verulega frá þeirri varfærnu stefnu sem hún hefur markað undanfarið í stjórnun peningamála,“ segir á vef Íslandsbanka.