Innlent

Lang­hæsti húsafriðunar­styrkurinn til Landa­kots­kirkju

Kjartan Kjartansson skrifar
Landakotskirkja er í Vesturbæ. Unnið hefur verið að því að skipta um þak kirkjunnar.
Landakotskirkja er í Vesturbæ. Unnið hefur verið að því að skipta um þak kirkjunnar. Vísir/Vilhelm

Níu milljóna króna styrkur sem Landakotskirkja fær er sá langhæsti sem veittur var úr húsafriðunarsjóði Minjastofnunar í ár, meira en helmingi hærri en næsthæsti styrkurinn. Norræna húsið og verkamannabústaðirnir við Hringbraut eru á meðal verkefna sem hlutu styrki úr sjóðnum.

Unnið hefur verið að því að skipta um þak á Landakotskirkju frá því í fyrra. Kirkjan fær hæsta styrkinn úr húsafriðunarsjóði vegna framkvæmdanna í ár. Tilkynnt var um styrkhafana í dag.

Næsthæsta styrkinn hlaut Álftaneskirkja á Mýrum í Borgarfirði, fimm milljónir króna. Níu önnur verkefni hlutu fjögurra milljóna króna styrki hvert, þar á meðal Norræn húsið, verkamannabústaðirnir, Duus-hús í Keflavík og Húsavíkurkirkja.

Alls var úthlutað 265,5 milljónum króna úr sjóðnum til 178 verkefna í ár. Minjastofnun bárust 242 umsóknir um styrki. Úthlutunarupphæðin lækkaði um 32,1 milljón króna á milli ára eru styrkirnir ársins í ár því sagðir almennt lægri en ársins 2024.

Sjóðurinn styrkti verkefni sem tengdust 83 friðuðum húsum og mannvirkjum um 103,4 milljónir króna. Friðlýstar kirkjur fengu 35 styrki, samtals að upphæð 75,3 milljóna króna. Tuttugu og átta friðlýst hús og mannvirki fengu 51 milljón króna, nítján önnur hús og mannvirki 14,3 milljónir og rannsóknir og húsakannanir voru styrktar um 21,5 milljónir króna.

Hæsti styrkurinn vegna rannsókna og kannana rann til verkefnis um íslenskra sundlaugabyggingar frá fyrri hluta 20. aldar.

Húsavernd Stjórnsýsla Trúmál Reykjavík

Mest lesið


Fleiri fréttir

Sjá meira


×

Mest lesið