Í ljós er komið að Irving sleit krossband í leik Dallas og Sacramento Kings á mánudagskvöldið. Niðurstöður úr myndatökum voru gerðar opinberar í dag.
Breaking: Kyrie Irving has suffered a season-ending torn ACL in his left knee, sources told @ShamsCharania. pic.twitter.com/9AoRx1fXBF
— ESPN (@espn) March 4, 2025
Irving meiddist í lok fyrsta leikhluta. Hann harkaði af sér og skoraði úr tveimur vítaskotum áður en hann fór haltandi af velli.
Þetta er mikið áfall fyrir Dallas en Irving er öðrum fremur besti leikmaður félagsins eftir að það lét Luka Doncic fara til Los Angeles Lakers.
Hann var valinn í stjörnuleikinn í níunda skiptið í febrúar. Hann er með 24,7 stig, 4,8 fráköst og 4,6 stoðsendingar að meðaltali í leik í vetur.
Irving hefur spilað 39,3 mínútur í leik síðan að Doncic fór til Lakers. Enginn leikmaður spilaði fleiri mínútur að meðaltali í NBA deildinni frá 4. febrúar til 2. mars. Liðið fékk Anthony Davis í skiptunum en hann meiddist strax í fyrsta leik.
Um leið og Dallas missir Irving líka er nánast hægt að afskrifa það að félagið komist í úrslitakeppnina í ár og það sést líka á veðbönkum.
A moment of pure determination for Kyrie Irving.
— NBA (@NBA) March 4, 2025
After suffering an injury, Kyrie was helped to the line to take his free throws before exiting the game.
He made both. 👏👏 pic.twitter.com/hJDDRTDLg7