Gene Hackman og eigin­kona hans fundust látin

Bandarískir fjölmiðlar greina frá þessu og vísa í orð lögreglustjórans Adan Mendoza. Hundur hjónanna á einnig að hafa fundist dauður.

Gene Hackman var 93 ára en Arakawa 63 ára, en þau gengu í hjónaband árið 1991. Mendoza segir að ekki liggi fyrir um hvað hafi dregið hjónin til dauða, en að ekki sé grunur um glæpsamlegt athæfi.

Hackman er meðal annars þekktur fyrir hlutverk sitt sem Jimmy „Popeye“ Doyle í myndinni The French Connection 1971. Þá fór hann með stórt hlutverk í myndinni Unforgiven auk þess að túlka illmennið Lex Luthor í Superman frá árinu 1978. Hackman vann á ferli sínum til tveggja Óskarsverðlauna og fjögurra Golden Globe.

Hackman lék á ferli sínum í rúmlega hundrað kvikmyndum, en hann hætti störfum sem leikari árið 2004. Í seinni tíð ritaði Hackman fjölda bóka, meðal annars nokkurn fjölda sögulegra skáldsagna.

Hann var giftur Faye Maltese á árunum 1956 til 1986 og áttu þau saman þrjú börn.