Hand­tekinn grunaður um líkams­árás eftir að vitni elti hann uppi

Þetta kemur fram í dagbókarfærslu lögreglu um verkefni dagsins frá klukkan fimm í morgun til fimm síðdegis. Þar segir að tilkynnt hafi verið um málið í umdæmi lögreglustöðvar númer þrjú, sem nær yfir Kópavog og Breiðholt.

„Tilkynnt um líkamsárás þar sem maður var að ráðast að konu. Gerandi fór síðan af vettvangi á bifreið en vitni að árásinni elti manninn og gat vísað lögreglu á hann. Maðurinn handtekinn vegna málsins,“ segir í færslunni. Ekki er þar að finna frekari upplýsingar um málið.