Hlín orðuð við lið í efstu deild Eng­lands

Emma Sanders á BBC, breska ríkisútvarpinu, greinir frá tíðundunum. Hún segir að Hlín yrði önnur inn um dyrnar hjá Leicester í núverandi félagaskiptaglugga eftir að markvörðurinn Olivia Clark gekk í raðir félagsins.

Leicester er í harðri fallbaráttu og þarf sárlega á mörkum að halda eftir að hafa aðeins skorað fimm mörk í 12 leikjum til þessa á leiktíðinni. Þrátt fyrir það er liðið með 9 stig, fjórum frá Crystal Palace sem situr á botni deildarinnar.

Hin 24 ára gamla Hlín átti frábært tímabil með Kristianstad á síðustu leiktíð þar sem hún skoraði 15 mörk í 25 leikjum. Þá hefur hún skorað sex mörk í 35 leikjum fyrir A-landslið Íslands.