Inn­kalla nag­stangir sem hundar veikjast af

Í tilkynningu frá MAST kemur fram að stofnunin hafi fengið upplýsingar um vöruna í gegnum RASFF hraðviðvörunarkerfi Evrópu um hættuleg matvæli og fóður á markaði.

Fram kemur í tilkynningu frá Líflandi um innköllunin að stangirnar hafi ekki verið í sölu á Íslandi. Ástæða innköllunarinnar sé að eitrunaráhrifin hafi komið upp í hundum í Danmörku sem neytt hafa Chrisco Tyggeruller med kylling. 

„Þessi vara sem virðist hafa valdið eitrunaráhrifum hefur ekki verið í sölu á Íslandi en af öryggisástæðum hefur verið ákveðið að innkalla þær vörur sem koma frá viðkomandi undirbirgja Chrisco og samstarfi við hann slitið,“ segir í tilkynningunni.

Innköllunin á við eftirfarandi framleiðslulotur:

Vörumerki: Chrisco

Vöruheiti: Chrisco Tyggerulle med kylling & kyllingelever

Best fyrir: 01.12.2025 og 15.03.2026

Nettómagn: 95 g

Geymsluskilyrði: Þurrvara

Framleiðandi: Chrisco

Framleiðsluland: Kína

Heiti og heimilisfang fyrirtækis sem innkallar vöru: Lífland, Brúarvogur 1-3 104 Reykjavík