Öku­maður bakkaði á barn á Ísa­firði

Atvikið sem málið varðar átti sér stað við Hafnarstræti 5 á Ísafirði síðastliðinn föstudag, 27. september.

Í tilkynningu frá lögreglu segir að ökumaðurinn hafi verið að bakka úr bílastæði.„Það vildi svo óheppilega til að bifreiðin rakst á barn sem var að ganga yfir gangbraut sem var fyrir aftan bifreiðina.“

Fram kemur að barnið hafi ekki hlotið alvarlega áverka.

„Lögreglan á Vestfjörðum óskar eftir vitnum af atvikinu. Einnig óskar lögreglan eftir að ná tali af ökumanni bifreiðarinnar sem vitni eru sammála um að hafi verið silfurlituð fólksbifreið.“

Jafnramt óskar lögreglan eftir myndefni úr öryggismyndavélum af umræddu svæði búi fólk yfir því.