Innlent

Efna til söfnunar fyrir móður Kol­finnu Eld­eyjar

Margrét Helga Erlingsdóttir skrifar
Kolfinna Eldey var óendanlega ljúf og hjartahlý stelpa.
Kolfinna Eldey var óendanlega ljúf og hjartahlý stelpa. Getty

Aðstandendur Kolfinnu Eldeyjar, tíu ára stúlku sem fannst látin sunnudagskvöldið 15. september, hafa efnt til söfnunar fyrir móður stúlkunnar á þessum erfiðu tímum.

Í orðsendingu til fréttastofu segir að móðir Kolfinnu þurfi á styrk að halda og því hafi þeir viljað setja af stað söfnun svo hægt sé að létta undir með henni.

„Hjörtun okkar eru brotin, þar sem ljósið hennar Kolfinnu Eldeyjar okkar slökknaði allt of snemma. Kolfinna Eldey var 10 ára dásemdarstelpa. Hún var óendanlega ljúf og hjartahlý stelpa, með endalausa sköpunargáfu,“ segir í tilkynningu.

Styrktarreikningurinn er í nafni móður Kolfinnu Eldeyjar:

  • Reikningsnúmer: 0192-26-21239
  • Kennitala 170483-4569

Að lokum er fólk beðið um að kveikja á kerti fyrir Kolfinnu.

„Ljósið lifir í minningu hennar og í hjörtum okkar allra.“

Grunaður um að hafa myrt dóttur sína Lögreglumál

Tengdar fréttir

Engar ábendingar borist þrátt fyrir ákall

Yfirlögregluþjónn miðlægrar rannsóknardeildar segir engar ábendingar hafa borist lögreglu, sem vert er að fylgja eftir, í tengslum við rannsókn á andláti tíu ára stúlku á sunnudag. Hann kallaði eftir því í gær að fólk hefði sambandi við lögreglu frekar en að dreifa gróusögum um málið.

Mest lesið


Fleiri fréttir

Sjá meira


×

Mest lesið