Þetta var á meðal verkefna lögreglunnar í dag, að því er kemur fram í dagbók lögreglu.
Þar segir einnig að tilkynnt hafi verið um þjófnað á skóm úr Laugardalslaug, og þjófnað úr verslun í hverfi 103.
Þá var tilkynnt um umferðarslys í hverfi 221, þar sem bifreið hafði verið ekið á staur og ökumaður flúið á brott.
Einnig var tilkynnt um húsbrot og skemmdarverk í leikskóla í hverfi 112, gerandi ókunnur.