Starfs­maður á skemmti­stað grunaður um líkams­á­rás

Frá þessu er greint í dagbók lögreglunnar á höfuðborgarsvæðinu. Upplýsingar um líðan þess sem varð fyrir árásinni liggja ekki fyrir að svo stöddu.

Tilkynnt var um aðra líkamsárás í miðbænum en ekki var gerð nánari grein fyrir henni í dagbókinni.

Þá var tilkynnt um mann sem veittist að öðrum með hníf í hverfi 105. Sá var handtekinn, grunaður um hótanir og vopnalagabrot.

Umferðarslys varð í Kópavogi þar sem minniháttar slys urðu á fólki. Önnur útköll lögreglu voru að mestu tengd ölvun, ólátum og slagsmálum.