Karl Sigur­björns­son biskup er látinn

Karl lést eftir erfið veikindi en hann greindist með krabbamein 2017. Hann fæddist 5. febrúar 1947 í Reykja­vík en hann er sonur Sig­ur­björns Ein­ars­son­ar bisk­ups og Magneu Þor­kels­dótt­ur. Karl átti sjö systkini.

Karl ólst upp í Reykja­vík og lauk stúd­ents­prófi frá M.R. og síðar cand. theol frá Há­skóla Íslands. Hann vígðist til prestþjón­ustu í Vest­manna­eyj­um 1973 enb var skipaður sókn­arprest­ur í Hall­grím­sprestakalli í Reykja­vík 1975 og þjónaði þar í um 23 ár.

Það var svo 1998 sem Karl var kjörinn biskup yfir Íslandi, embætti sem hann gegndi í 14 ár. Eftir að biskupstíð hans lauk þjónaði hann um hríð í Dómkirkjunni.

Í tilkynningu frá fjölskyldu hans kemur fram að Karl var skipaður heiðurs­doktor við Há­skóla Íslands. Hann gegndi ýms­um trúnaðar­störf­um fyr­ir Þjóðkirkj­una, sat í stjórn Presta­fé­lags Íslands, var kirkjuþings­maður og í kirkjuráði áður en hann var kjör­inn biskup Íslands.

Eft­ir­lif­andi eig­in­kona hans er Krist­ín Þór­dís Guðjóns­dótt­ir en börn þeirra eru Inga Rut, Rannveig Eva og Guðjón Davíð.