Brasilísk bomba berbrjósta við Grindavíkurskilti Kolbeinn Tumi Daðason skrifar 6. febrúar 2024 16:15 Chris Galera við Grindavíkurskiltið. Chris Galera Brasilísk brjóstafyrirsæta segist hafa þurft á aðhlynningu að halda á íslensku sjúkrahúsi eftir að hafa berað brjóstin við Grindavíkurskilti á Suðurnesjum. Hún segist elska Ísland og geta hugsað sér að búa hér á landi. Líklega er um einhverja furðulegustu frétt að ræða sem tengist Grindavík undanfarnar vikur og mánuði. Brasilíska ævintýrakonan heitir Chris Galera og hefur meðal annars unnið sér það til afreka að sitja fyrir hjá Playboy tímaritinu í Ástralíu. Yfir sjö hundrað þúsund manns fylgja henni á Instagram. Í viðtali við The U.S. Sun segir að Galera elski að fækka fötum og láta mynda sig á þekktum stöðum og skipti engum toga þótt almenningur verði vitni að myndatökunni. Hefur hún stillt sér upp fáklæddri á fjölförnum ferðamannastöðum í London og New York svo dæmi séu tekin. View this post on Instagram A post shared by Cris Galera (@cristianegaleraoficial) Stundum sleppir hún geirvörtunum lausum eins og var tilfellið í Íslandsheimsókn hennar á dögunum. Galera var þá stödd við Grindavíkurskilti í um fimmtán kílómetra akstursfjarlægð frá bænum. Hún segist einnig hafa klætt sig úr öllum fötunum á fjölförnum ferðamannastað en þá hafi lögregluna borið að garði. „Þau sögðu að ég væri í almannarými þar sem væri að finna fjölskyldur og börn og ég mætti ekki gera þetta þarna,“ segir Galera. Óljóst er hvaða stað um ræðir en Galera segir að fjöldi ferðamanna hafi verið á svæðinu. Hún hafi hins vegar glímt við alvarlegra vandamál en lögregluna. Henni hafi verið orðið svo svakalega kalt að hún hafi fengið ofkælingu. Klukkustund á spítalanum með heitan drykk í hönd hafi dugað til að koma henni í góðan gír á ný. View this post on Instagram A post shared by Cris Galera (@cristianegaleraoficial) Úr viðtalinu við Galera í The U.S. Sun og af samfélagsmiðlum hennar má greina að hún sé mjög stolt af líkama sínum og rétti sínum til að afklæðast. Vinna í nektarbransanum hafi skapað henni mörg tækifæri. Þá sé um að ræða réttindamál fyrir konur í heimi þar sem karlar megi gera hvað sem þeir vilji á meðan konur þurfi að stíga varlega til jarðar. Hún segist njóta fulls stuðnings kærasta síns, sem var með henni á nokkurra vikna flandri um Ísland, og sömuleiðis fjölskyldu sinnar. Galera myndaði sig á jökli, leitaði uppi eldfjöll á Suðurlandi til að hafa í bakgrunni og fór alla leið austur fyrir Höfn í Hornafirði. View this post on Instagram A post shared by Cris Galera (@cristianegaleraoficial) Mestan hluta tímans var hún kappklædd en þegar færi gafst, fækkaði hún fötum og lét mynda sig á sundfötum. Myndatakan við Grindavíkurskiltið virðist hafa staðið upp úr. „Ég elska Ísland. Mig langar að búa þar á næsta ári því landið er stórkostlegt,“ segir Galera í viðtalinu. Draumur hennar hafi verið að sjá eldfjall og Grindavík en bærinn hafi verið lokaður fólki. „Til að skrásetja veru mína þar ákvað ég að vera nakinn fyrir framan Grindavíkurskiltið,“ segir Galera. View this post on Instagram A post shared by Cris Galera (@cristianegaleraoficial) „Ég fékk ekki aðgang en brjóstin mín voru þarna,“ bætir hún við. Fréttastofa hefur sent lögreglunni á Suðurnesjum fyrirspurn vegna frásagnar Galeru af fyrrnefndum afskiptum lögreglu. Ort um þá brjóstagóðu Agnar Ólason, vélstjóri hjá Samskipum, birti þetta ljóð um heimsókn þeirrar brasilísku til Íslands. Til Grindavíkur leiðin lá hjá lipurtá. Klæðum sínum fletti frá, furðu kná. Fljótt varð kalt, því frost var á, flúði ólga. Dómur læknis: „jamm og já, júgurbólga...“ Ferðamennska á Íslandi Grindavík Brasilía Lögreglumál Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Fleiri fréttir Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Sjá meira
Líklega er um einhverja furðulegustu frétt að ræða sem tengist Grindavík undanfarnar vikur og mánuði. Brasilíska ævintýrakonan heitir Chris Galera og hefur meðal annars unnið sér það til afreka að sitja fyrir hjá Playboy tímaritinu í Ástralíu. Yfir sjö hundrað þúsund manns fylgja henni á Instagram. Í viðtali við The U.S. Sun segir að Galera elski að fækka fötum og láta mynda sig á þekktum stöðum og skipti engum toga þótt almenningur verði vitni að myndatökunni. Hefur hún stillt sér upp fáklæddri á fjölförnum ferðamannastöðum í London og New York svo dæmi séu tekin. View this post on Instagram A post shared by Cris Galera (@cristianegaleraoficial) Stundum sleppir hún geirvörtunum lausum eins og var tilfellið í Íslandsheimsókn hennar á dögunum. Galera var þá stödd við Grindavíkurskilti í um fimmtán kílómetra akstursfjarlægð frá bænum. Hún segist einnig hafa klætt sig úr öllum fötunum á fjölförnum ferðamannastað en þá hafi lögregluna borið að garði. „Þau sögðu að ég væri í almannarými þar sem væri að finna fjölskyldur og börn og ég mætti ekki gera þetta þarna,“ segir Galera. Óljóst er hvaða stað um ræðir en Galera segir að fjöldi ferðamanna hafi verið á svæðinu. Hún hafi hins vegar glímt við alvarlegra vandamál en lögregluna. Henni hafi verið orðið svo svakalega kalt að hún hafi fengið ofkælingu. Klukkustund á spítalanum með heitan drykk í hönd hafi dugað til að koma henni í góðan gír á ný. View this post on Instagram A post shared by Cris Galera (@cristianegaleraoficial) Úr viðtalinu við Galera í The U.S. Sun og af samfélagsmiðlum hennar má greina að hún sé mjög stolt af líkama sínum og rétti sínum til að afklæðast. Vinna í nektarbransanum hafi skapað henni mörg tækifæri. Þá sé um að ræða réttindamál fyrir konur í heimi þar sem karlar megi gera hvað sem þeir vilji á meðan konur þurfi að stíga varlega til jarðar. Hún segist njóta fulls stuðnings kærasta síns, sem var með henni á nokkurra vikna flandri um Ísland, og sömuleiðis fjölskyldu sinnar. Galera myndaði sig á jökli, leitaði uppi eldfjöll á Suðurlandi til að hafa í bakgrunni og fór alla leið austur fyrir Höfn í Hornafirði. View this post on Instagram A post shared by Cris Galera (@cristianegaleraoficial) Mestan hluta tímans var hún kappklædd en þegar færi gafst, fækkaði hún fötum og lét mynda sig á sundfötum. Myndatakan við Grindavíkurskiltið virðist hafa staðið upp úr. „Ég elska Ísland. Mig langar að búa þar á næsta ári því landið er stórkostlegt,“ segir Galera í viðtalinu. Draumur hennar hafi verið að sjá eldfjall og Grindavík en bærinn hafi verið lokaður fólki. „Til að skrásetja veru mína þar ákvað ég að vera nakinn fyrir framan Grindavíkurskiltið,“ segir Galera. View this post on Instagram A post shared by Cris Galera (@cristianegaleraoficial) „Ég fékk ekki aðgang en brjóstin mín voru þarna,“ bætir hún við. Fréttastofa hefur sent lögreglunni á Suðurnesjum fyrirspurn vegna frásagnar Galeru af fyrrnefndum afskiptum lögreglu. Ort um þá brjóstagóðu Agnar Ólason, vélstjóri hjá Samskipum, birti þetta ljóð um heimsókn þeirrar brasilísku til Íslands. Til Grindavíkur leiðin lá hjá lipurtá. Klæðum sínum fletti frá, furðu kná. Fljótt varð kalt, því frost var á, flúði ólga. Dómur læknis: „jamm og já, júgurbólga...“
Ferðamennska á Íslandi Grindavík Brasilía Lögreglumál Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Fleiri fréttir Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Sjá meira