Aston Villa átti möguleika á því að jafna Liverpool að stigum með sigri í dag en Everton er að berjast í neðri hlutanum enda tíu stig dregin af félaginu fyrir áramótin.
Fyrri hálfleikur var fremur bragðdaufur. Alex Moreno skoraði reyndar gott mark fyrir Aston Villa á 18. mínútu sem VAR tók sér nærri fimm mínútur í að skoða vegna rangstöðu. Að lokum var niðurstaðan að markið skyldi dæmt af en erfitt var fyrir áhorfendur að átta sig á gangi mála.
Just before the outcome of the VAR check, both sets of fans inside Goodison Park sang "VAR is f***ing sh*t", that tells you all you need to know #EFC #EVEAVL https://t.co/LuowsJ2l8Y
— Connor O'Neill (@ConnorOn95) January 14, 2024
Dominic Calvert-Lewin fékk síðan algjört dauðafæri til að koma Everton í forystu en Emiliano Martinez í marki Aston Villa varði vel.
Markalaust var í hálfleik og í síðari hálfleik gerðu bæði liðin sig líkleg til að skora í nokkur skipti. Undir lokin slapp Abdoulaye Doucoure í gegn og skoraði en var réttilega dæmdur rangstæður.
Niðurstaðan að lokum var markalaust jafntefli og Aston Villa komið upp fyrir Manchester City og í annað sæti deildarinnar en City á leik til góða. Everton er í 17. sæti og einu stigi fyrir ofan fallsæti.
