Arnar Jón til Good Good

Í tilkynningu segir að Arnar sé frumkvöðullinn að baki Ólafsson gininu sem kom á markað 2020. Hann hafi leitt stofnun Eyland Spirits, framleiðanda Ólafsson ginsins og verið framkvæmdastjóri fyrirtækisins þar til í byrjun þessa árs. 

Hann mun leiða markaðs- og söluátak GOOD GOOD á Íslandi og í Evrópu.

Fyrirtækið sérhæfir sig í þróun og framleiðslu á matvælum með náttúrulegum innihaldsefnum án viðbætts sykurs. Vörur fyrirtækisins fást í rúmlega tíu þúsund verslunum í 36 löndum, þar af þúsund Walmart verslunum. Hjá fyrirtækinu starfa sextán starfsmenn, bæði í Bandaríkjunum og á Íslandi.