LeBron James þakkar fyrir stuðninginn og góðar kveðjur

Ekki hafa borist frekari fréttir af líðan Bronny en hann var fljótlega útskrifaður af gjörgæslu og líðan hans stöðug. LeBron segir að fjölskyldan sé nú öll saman, þau séu heilbrigð og örugg og þeim líði vel. Hann segir jafnframt að þau muni tjá sig frekar um málið þegar þau eru tilbúin til þess.

LeBron þakkar í Tvítinu kærlega fyrir allan stuðninginn sem þau hafa fundið fyrir, en fjölmargir kollegar hans í NBA sem og aðrir þekktir íþróttamenn hafa sent þeim kveðjur síðustu daga.

Í Tvíti LeBron kemur ekki fram hvar fjölskyldan er samankomin eða hvort Bronny sé útskrifaður af spítala, en í frétt Sky Sports í kvöld kemur fram að hann sé útskrifaður og sé nú heima hjá sér.