Ástin blómstraði hjá Kristínu og Signýju í Róm

„Dásemdar Rómarferð með konu lífs míns,“ segir Signý og birtir fallegar myndir frá ferðalaginu á Facebook. Þar má sjá hjarta í kaffibolla, glæsilega drykki og fallegar myndir af parinu í háloftunum og með sólgleraugu í ítölsku höfuðborginni, yfir sig ástfangnar.

Kristín var gift Katrínu Oddsdóttur lögfræðingi í sextán ár en þau skildu á síðasta ári. Þær eiga saman tvö börn. Kristín tók við starfi rektors Listaháskólans í apríl.

„Full þakklætis held ég af stað í þetta ferðalag. Ég trúi því einlæglega að listir og skapandi hugsun gegni lykilhlutverki í viðfangsefnum framtíðarinnar. Við Listaháskóla Íslands mótast framtíðin og það eru því forréttindi að fá að leiða þessa mikilvægu mennta- og menningarstofnun næstu árin. Ég hlakka mikið til að starfa með nemendum skólans og þeim öfluga hópi sem þar starfar,“ sagði Kristín sem var þar á undan Borgarleikhússtjóri.

Signý virðist mikill ferðalangur því hún er farin aftur til móts við sólina í stelpuferð til Tenerife.