Valsmenn gengu út af þingi: „Miklar líkur á að við förum illa með þetta frelsi“ Sindri Sverrisson skrifar 28. mars 2023 11:31 Hlynur Bæringsson og Kristófer Acox hafa lengi verið meðal stærstu stjarna efstu deildar karla í körfubolta. Grímur óttast að Íslendingum í stórum hlutverkum fækki með nýsamþykktum reglum. VÍSIR/HULDA MARGRÉT „Það eru rosalega miklar líkur á því að við [í körfuknattleikshreyfingunni] förum illa með þetta frelsi,“ segir Grímur Atlason, stjórnarmaður í körfuknattleiksdeild Vals, um nýsamþykktar breytingar á reglum um erlenda leikmenn í íslenskum körfubolta. Á Körfuknattleiksþinginu á laugardag var samþykkt að hafa engar hömlur á fjölda leikmanna úr EES-ríkjum í íslenskum liðum. Enn má reyndar aðeins einn erlendur leikmaður utan EES-ríkis vera innan vallar í hvoru liði, en hafi hann búið á landinu í þrjú ár getur hann talist sem íslenskur leikmaður. Þar með geta lið keppt um Íslandsmeistaratitlana með aðeins erlenda leikmenn innanborðs. Grímur og Svali Björgvinsson, formaður Vals, gengu út af þinginu um helgina þegar þetta var samþykkt, og Grímur birti í gær grein þar sem hann útskýrir óánægju sína með breytingarnar. Árið 2018 var numin úr gildi 4+1 reglan sem hafði skyldað lið til að vera með að lágmarki fjóra íslenska leikmenn innan vallar hverju sinni, en reglan var talin brot á EES-samningnum. Grímur bendir í grein sinni á hversu mikil áhrif sú breyting hafði, og að á þeim fimm árum sem liðin séu síðan þá hafi íslenskum leikmönnum í efstu og næstefstu deild karla fækkað um 92, jafnvel þó að reglurnar hafi verið hertar í fyrra og liðum skylt að hafa tvo íslenska leikmenn innan vallar hverju sinni. Grímur hóf fyrst að safna gögnum vorið 2020 til að sýna áhrif þess að 4+1 reglan skyldi afnumin, og hefur haldið þessum upplýsingum á lofti fyrir kollega sína hjá öðrum félögum og KKÍ, en talað fyrir daufum eyrum miðað við niðurstöðu þingsins. Nær öll fækkunin á aldrinum 20-26 ára „Ég komst að því að íslenskum leikmönnum hefur fækkað um 50 í efstu deild karla, frá því að 4+1 reglan var afnumin, og um 42 í 1. deild karla. Það eru því samtals 92 leikmönnum færra í þessum tveimur deildum frá árinu 2018, jafnvel þrátt fyrir að fjölgað hafi um eitt lið í 1. deild. Og öll fækkunin er eiginlega leikmenn á aldrinum 20-26 ára. Það stemmir við þá pælingu að þeir sem eru yngri en 20 ára eru til í að vera á bekknum og mæta á æfingar, í von um að verða frábærir í körfubolta. Síðan hreinsast út þarna. Menn segja að það sé bara frábært affall og eðlilegt, en það getur ekki verið eðlilegt þegar það fækkar svona mikið. Þetta er áhyggjuefni því þetta er mikilvægasti aldurinn, þar sem menn verða að alvöru leikmönnum og stjörnum,“ segir Grímur. Ekkert land með svona reglur Ef horft er til „leikinna mínútna“ í vetur hafa erlendir leikmenn spilað 65% mínútna í efstu deild karla, og 33% í efstu deild kvenna. Grímur óttast að mínútum þeirra íslensku fækki enn meira á næstu leiktíð. „Það er ekkert land sem er með svona reglur eins og við. Að allir leikmenn á skýrslunni geti verið erlendir leikmenn. Ég ítreka að þetta eru ungmennafélög. Menn eru að bera sig saman við Spán og fleiri lönd – þú færð mestar tekjur á Spáni fyrir utan NBA-deildina – en á Spáni eru samt sem áður reglur um uppalda leikmenn,“ segir Grímur og er ekki bjartsýnn á að körfuboltahreyfingin forðist að fylla lið sín af erlendum leikmönnum. Hann tekur því undir grein blaðamannsins Óskars Ófeigs Jónssonar sem birtist hér á Vísi í gær. „Ef að það má, þá gera menn það“ „Öll heiðursmannasamkomulag, allt sem að þessi körfuboltahreyfing hefur sett sér, hefur verið brotið. Það kom leikmaður frá Hrunamönnum og spilaði með Stjörnunni í úrslitaleik bikarsins. Ef að það má, þá gera menn það. Það segjast allir ætla að fara vel með þessa stöðu. En af því að þetta eru ungmennafélög, og af því að þetta er borgað af samfélaginu, þá eru margir sem bera í rauninni enga ábyrgð á því sem þeir eru að gera. Svo kemur sveitarfélagið og hjálpar félaginu þegar allt er komið í skrúfuna, eins og hefur margsinnis gerst og örugglega í öllum íslenskum íþróttafélögum. Þetta er bara svo mannlegt. Þess vegna eru rosalega miklar líkur á því að við förum illa með þetta frelsi. Það hefur alla vega ekki komið íslenskum leikmönnum vel að reglunum skyldi breytt. Menn tala um að landsliðinu gangi svo vel en þar eru þetta allt leikmenn sem komu upp í gegnum 4+1 regluna,“ segir Grímur. Íslands-, bikar- og nýkrýndir deildarmeistarar Vals eru með best skipaða karlalið landsins, sérstaklega þegar horft er til íslenskra leikmanna. Aðspurður hvort að það liti ekki afstöðu Valsmanna segir Grímur: „Þetta hefur ekkert með það að gera í mínum haus. Bara ekki neitt. Miðað við hvernig menn tala ættum við að eiga pening til að kaupa alla útlendinga heimsins, en þeir vita svo sem ekki hvernig við rekum okkur og að því fer fjarri. En þetta er svo leiðinleg umræða. Það að ég sé Valsari breytir ekki gögnunum. Ég hef einmitt setið á þingi og reynt að benda á þessi gögn, en þá fæ ég þetta einmitt yfir mig: „Þú ert Valsari, þér er sama um allt nema Val“. En gögnin tala sínu máli og Íslendingum í deildinni myndi ekkert fjölga við að ég væri ekki Valsari,“ segir Grímur. Subway-deild kvenna Subway-deild karla Mest lesið Brynjar studdur af KSÍ en Willum af Sundsambandinu Sport Sprengdu upp hús foreldra rússneskrar íþróttastjörnu Sport „Stálum öllu steini léttara frá helstu stöðunum í London“ Íslenski boltinn Fótboltamaður lést í upphitun Fótbolti Uppgjörið og viðtöl: Fram - Haukar 18-30 | Gestirnir tóku forsytuna með risasigri Handbolti Bein útsending: Norðurlandamótið í hermiakstri Sport Sekt upp á sextíu milljónir króna fyrir að ná ekki vigt Sport „Hann er tekinn út úr leiknum“ Körfubolti Grættu dómarann og hættu við blaðamannafund Fótbolti Chelsea upp í fjórða sætið Enski boltinn Fleiri fréttir Ármann í úrslit um sæti í efstu deild Í beinni: Haukar - Valur | Sópað út í sumarfrí? Elvar stigahæstur í öruggum sigri „Ég saknaði þín“ Stórleikur LeBron James dugði ekki Lakers og Celtics töpuðu líka „Hann er tekinn út úr leiknum“ „Ég get ekki lýst þessu, ég á engin orð“ Uppgjörið: Álftanes - Tindastóll 94-82 | Einvígið jafnt eftir mikinn hasar Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Klósettpappír út um allt á vellinum „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sektaður um sex milljónir fyrir að tala um getnaðarlim sinn „Við töpum boltanum í annarri hverri sókn“ Sjá meira
Á Körfuknattleiksþinginu á laugardag var samþykkt að hafa engar hömlur á fjölda leikmanna úr EES-ríkjum í íslenskum liðum. Enn má reyndar aðeins einn erlendur leikmaður utan EES-ríkis vera innan vallar í hvoru liði, en hafi hann búið á landinu í þrjú ár getur hann talist sem íslenskur leikmaður. Þar með geta lið keppt um Íslandsmeistaratitlana með aðeins erlenda leikmenn innanborðs. Grímur og Svali Björgvinsson, formaður Vals, gengu út af þinginu um helgina þegar þetta var samþykkt, og Grímur birti í gær grein þar sem hann útskýrir óánægju sína með breytingarnar. Árið 2018 var numin úr gildi 4+1 reglan sem hafði skyldað lið til að vera með að lágmarki fjóra íslenska leikmenn innan vallar hverju sinni, en reglan var talin brot á EES-samningnum. Grímur bendir í grein sinni á hversu mikil áhrif sú breyting hafði, og að á þeim fimm árum sem liðin séu síðan þá hafi íslenskum leikmönnum í efstu og næstefstu deild karla fækkað um 92, jafnvel þó að reglurnar hafi verið hertar í fyrra og liðum skylt að hafa tvo íslenska leikmenn innan vallar hverju sinni. Grímur hóf fyrst að safna gögnum vorið 2020 til að sýna áhrif þess að 4+1 reglan skyldi afnumin, og hefur haldið þessum upplýsingum á lofti fyrir kollega sína hjá öðrum félögum og KKÍ, en talað fyrir daufum eyrum miðað við niðurstöðu þingsins. Nær öll fækkunin á aldrinum 20-26 ára „Ég komst að því að íslenskum leikmönnum hefur fækkað um 50 í efstu deild karla, frá því að 4+1 reglan var afnumin, og um 42 í 1. deild karla. Það eru því samtals 92 leikmönnum færra í þessum tveimur deildum frá árinu 2018, jafnvel þrátt fyrir að fjölgað hafi um eitt lið í 1. deild. Og öll fækkunin er eiginlega leikmenn á aldrinum 20-26 ára. Það stemmir við þá pælingu að þeir sem eru yngri en 20 ára eru til í að vera á bekknum og mæta á æfingar, í von um að verða frábærir í körfubolta. Síðan hreinsast út þarna. Menn segja að það sé bara frábært affall og eðlilegt, en það getur ekki verið eðlilegt þegar það fækkar svona mikið. Þetta er áhyggjuefni því þetta er mikilvægasti aldurinn, þar sem menn verða að alvöru leikmönnum og stjörnum,“ segir Grímur. Ekkert land með svona reglur Ef horft er til „leikinna mínútna“ í vetur hafa erlendir leikmenn spilað 65% mínútna í efstu deild karla, og 33% í efstu deild kvenna. Grímur óttast að mínútum þeirra íslensku fækki enn meira á næstu leiktíð. „Það er ekkert land sem er með svona reglur eins og við. Að allir leikmenn á skýrslunni geti verið erlendir leikmenn. Ég ítreka að þetta eru ungmennafélög. Menn eru að bera sig saman við Spán og fleiri lönd – þú færð mestar tekjur á Spáni fyrir utan NBA-deildina – en á Spáni eru samt sem áður reglur um uppalda leikmenn,“ segir Grímur og er ekki bjartsýnn á að körfuboltahreyfingin forðist að fylla lið sín af erlendum leikmönnum. Hann tekur því undir grein blaðamannsins Óskars Ófeigs Jónssonar sem birtist hér á Vísi í gær. „Ef að það má, þá gera menn það“ „Öll heiðursmannasamkomulag, allt sem að þessi körfuboltahreyfing hefur sett sér, hefur verið brotið. Það kom leikmaður frá Hrunamönnum og spilaði með Stjörnunni í úrslitaleik bikarsins. Ef að það má, þá gera menn það. Það segjast allir ætla að fara vel með þessa stöðu. En af því að þetta eru ungmennafélög, og af því að þetta er borgað af samfélaginu, þá eru margir sem bera í rauninni enga ábyrgð á því sem þeir eru að gera. Svo kemur sveitarfélagið og hjálpar félaginu þegar allt er komið í skrúfuna, eins og hefur margsinnis gerst og örugglega í öllum íslenskum íþróttafélögum. Þetta er bara svo mannlegt. Þess vegna eru rosalega miklar líkur á því að við förum illa með þetta frelsi. Það hefur alla vega ekki komið íslenskum leikmönnum vel að reglunum skyldi breytt. Menn tala um að landsliðinu gangi svo vel en þar eru þetta allt leikmenn sem komu upp í gegnum 4+1 regluna,“ segir Grímur. Íslands-, bikar- og nýkrýndir deildarmeistarar Vals eru með best skipaða karlalið landsins, sérstaklega þegar horft er til íslenskra leikmanna. Aðspurður hvort að það liti ekki afstöðu Valsmanna segir Grímur: „Þetta hefur ekkert með það að gera í mínum haus. Bara ekki neitt. Miðað við hvernig menn tala ættum við að eiga pening til að kaupa alla útlendinga heimsins, en þeir vita svo sem ekki hvernig við rekum okkur og að því fer fjarri. En þetta er svo leiðinleg umræða. Það að ég sé Valsari breytir ekki gögnunum. Ég hef einmitt setið á þingi og reynt að benda á þessi gögn, en þá fæ ég þetta einmitt yfir mig: „Þú ert Valsari, þér er sama um allt nema Val“. En gögnin tala sínu máli og Íslendingum í deildinni myndi ekkert fjölga við að ég væri ekki Valsari,“ segir Grímur.
Subway-deild kvenna Subway-deild karla Mest lesið Brynjar studdur af KSÍ en Willum af Sundsambandinu Sport Sprengdu upp hús foreldra rússneskrar íþróttastjörnu Sport „Stálum öllu steini léttara frá helstu stöðunum í London“ Íslenski boltinn Fótboltamaður lést í upphitun Fótbolti Uppgjörið og viðtöl: Fram - Haukar 18-30 | Gestirnir tóku forsytuna með risasigri Handbolti Bein útsending: Norðurlandamótið í hermiakstri Sport Sekt upp á sextíu milljónir króna fyrir að ná ekki vigt Sport „Hann er tekinn út úr leiknum“ Körfubolti Grættu dómarann og hættu við blaðamannafund Fótbolti Chelsea upp í fjórða sætið Enski boltinn Fleiri fréttir Ármann í úrslit um sæti í efstu deild Í beinni: Haukar - Valur | Sópað út í sumarfrí? Elvar stigahæstur í öruggum sigri „Ég saknaði þín“ Stórleikur LeBron James dugði ekki Lakers og Celtics töpuðu líka „Hann er tekinn út úr leiknum“ „Ég get ekki lýst þessu, ég á engin orð“ Uppgjörið: Álftanes - Tindastóll 94-82 | Einvígið jafnt eftir mikinn hasar Aldrei selst fleiri miðar á heimaleik hjá Álftanesi Treyja Bryants margfaldast í verði og varð sú fjórða dýrasta í sögunni Klósettpappír út um allt á vellinum „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sektaður um sex milljónir fyrir að tala um getnaðarlim sinn „Við töpum boltanum í annarri hverri sókn“ Sjá meira