Rannsaka kynferðisbrot gegn barni í Reykjadal Kolbeinn Tumi Daðason skrifar 24. mars 2023 15:15 Reykjadalur hefur verið sannkallaður draumaáfangastaður fyrir fötluð börn og aðstandendur þeirra um árabil. Reykjadalur Lögregla hefur til rannsóknar meint kynferðisbrot í sumarbúðunum í Reykjadal í ágúst 2022. Foreldrar barnsins lýsa brotunum í samtali við Heimildina og þeim áhrifum sem þau hafa haft á fjölskylduna. Málið allt hafi verið helvíti frá upphafi til enda. Sumarbúðir í Reykjadal hafa verið reknar af Styrktarfélagi lamaðra og fatlaðra um árabil. Þangað sækja um 250 ungir einstaklingar á sumrin og hefur verið mikil ánægja með starfið í Reykjadal. Sannkallaður ævintýraheimur fyrir börn og unglinga. Draumurinn breyttist í martröð í tilfelli fatlaðrar stúlku, dóttur Einars Arnar Jónssonar og Höllu Ingibjargar Leonhardsdóttur. Foreldrarnir lýsa atburðarásinni umræddan dag á þann veg að dóttir þeirra hafi verið á leiðinni heim og ein í herbergi sínu þegar starfsmaður kom inn í herbergið og braut á henni. „Án þess að fara í smáatriði þá fór hann inn á hana, snerti hennar einkastaði og færði hana upp í rúm. Það er það sem við vitum. Hann lokaði dyrunum svo enginn kæmi inn, þannig að brotaviljinn var augljós,“ segja foreldrarnir í samtali við Heimildina. Flótti hafi komið á starfsmanninn þegar aðrir starfsmenn komu inn í herbergið. Þeir hafi spurt stúlkuna út í hvað gerst hafi og hún sagt þeim það. Meintur gerandi einnig fatlaður Andrea Rói Sigurbjörns, forstöðumaður sumarbúðanna, segir í samtali við Vísi að málið sé í lögreglurannsókn. Þá sé Gæða- og eftirlitsstofnun ríkisins með málið á sínu borði og hafi þegar skilað drögum að skýrslu. Lokaniðurstaða sé væntanlega í mars eða apríl. Hán útskýrir að um hafi verið að ræða starfsmann sem glími sjálfur við fötlun og starfi á vinnustað fyrir fatlað fólk. Hann hafi fengið að nýta vinnuaðstöðuna í Reykjadal og sinnt þar garðvinnu. Samkvæmt heimildum fréttastofu er viðkomandi sjálfur rétt við lögræðisaldur. Andrea segir foreldra stúlkunnar hafa sýnt mikinn styrk í að segja sögu sína í Heimildinni. Þau hafa ýmislegt við málið að athuga. Þar á meðal orðalag í drögum Gæða- og eftirlitsstofnunar um málið, hvenær málið var tilkynnt til barnaverndar auk þess sem þeim var ekki boðin réttargæslumaður í málinu. Hán segir málið eðlilega ótrúlega viðkvæmt enda brotaþoli fatlað barn. Starfsfólk í Reykjadal hafi þegar fengið endurgjöf um hvernig bæta megi starfið í sumarbúðunum og verkferla. Gott verði að fá skýrslu Gæða - og eftirlitsstofnunar til að draga frekari lærdóm af málinu. Verkferlar ekki fyrir hendi Hörður Sigurðsson, formaður Styrktarfélags lamaðra og fatlaðra, og Vilmundur Gíslason framkvæmdastjóri segja í bréfi til starfsfólks sumarbúðanna að þrátt fyrir að ítarleg handbók sé til fyrir starfsmenn þá sé viðbragðsáætlun í máli af þeim toga sem hér ræðir ekki til staðar. „Atburður þessi olli þolanda og foreldrum hans miklum sársauka og harmar stjórn félagsins þennan atburð innilega.“ Unnið hafi verið að úrbótum í samvinnu við Barnaheill og verklagsreglur mótaðar og sendar Gæða- og eftirlitsstofnun. Þá hafi Mennta- og barnamálaráðuneytið verið upplýst um gang mála. „Við fengum ráðleggingar á sínum tíma frá fjölda aðila sem þekkingu hafa á málefnum fatlaðra. Að því sögðu voru verkferlar þegar kemur að svona málum ekki fyrir hendi sem ekki er gott fyrir félagið okkar.“ Lögreglumál Málefni fatlaðs fólks Mest lesið Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Hafa „góða hugmynd“ hvar og hvenær stúlkunni var ráðinn bani Innlent Kona réðst að sjö ára dreng við Smáraskóla Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Sjá meira
Sumarbúðir í Reykjadal hafa verið reknar af Styrktarfélagi lamaðra og fatlaðra um árabil. Þangað sækja um 250 ungir einstaklingar á sumrin og hefur verið mikil ánægja með starfið í Reykjadal. Sannkallaður ævintýraheimur fyrir börn og unglinga. Draumurinn breyttist í martröð í tilfelli fatlaðrar stúlku, dóttur Einars Arnar Jónssonar og Höllu Ingibjargar Leonhardsdóttur. Foreldrarnir lýsa atburðarásinni umræddan dag á þann veg að dóttir þeirra hafi verið á leiðinni heim og ein í herbergi sínu þegar starfsmaður kom inn í herbergið og braut á henni. „Án þess að fara í smáatriði þá fór hann inn á hana, snerti hennar einkastaði og færði hana upp í rúm. Það er það sem við vitum. Hann lokaði dyrunum svo enginn kæmi inn, þannig að brotaviljinn var augljós,“ segja foreldrarnir í samtali við Heimildina. Flótti hafi komið á starfsmanninn þegar aðrir starfsmenn komu inn í herbergið. Þeir hafi spurt stúlkuna út í hvað gerst hafi og hún sagt þeim það. Meintur gerandi einnig fatlaður Andrea Rói Sigurbjörns, forstöðumaður sumarbúðanna, segir í samtali við Vísi að málið sé í lögreglurannsókn. Þá sé Gæða- og eftirlitsstofnun ríkisins með málið á sínu borði og hafi þegar skilað drögum að skýrslu. Lokaniðurstaða sé væntanlega í mars eða apríl. Hán útskýrir að um hafi verið að ræða starfsmann sem glími sjálfur við fötlun og starfi á vinnustað fyrir fatlað fólk. Hann hafi fengið að nýta vinnuaðstöðuna í Reykjadal og sinnt þar garðvinnu. Samkvæmt heimildum fréttastofu er viðkomandi sjálfur rétt við lögræðisaldur. Andrea segir foreldra stúlkunnar hafa sýnt mikinn styrk í að segja sögu sína í Heimildinni. Þau hafa ýmislegt við málið að athuga. Þar á meðal orðalag í drögum Gæða- og eftirlitsstofnunar um málið, hvenær málið var tilkynnt til barnaverndar auk þess sem þeim var ekki boðin réttargæslumaður í málinu. Hán segir málið eðlilega ótrúlega viðkvæmt enda brotaþoli fatlað barn. Starfsfólk í Reykjadal hafi þegar fengið endurgjöf um hvernig bæta megi starfið í sumarbúðunum og verkferla. Gott verði að fá skýrslu Gæða - og eftirlitsstofnunar til að draga frekari lærdóm af málinu. Verkferlar ekki fyrir hendi Hörður Sigurðsson, formaður Styrktarfélags lamaðra og fatlaðra, og Vilmundur Gíslason framkvæmdastjóri segja í bréfi til starfsfólks sumarbúðanna að þrátt fyrir að ítarleg handbók sé til fyrir starfsmenn þá sé viðbragðsáætlun í máli af þeim toga sem hér ræðir ekki til staðar. „Atburður þessi olli þolanda og foreldrum hans miklum sársauka og harmar stjórn félagsins þennan atburð innilega.“ Unnið hafi verið að úrbótum í samvinnu við Barnaheill og verklagsreglur mótaðar og sendar Gæða- og eftirlitsstofnun. Þá hafi Mennta- og barnamálaráðuneytið verið upplýst um gang mála. „Við fengum ráðleggingar á sínum tíma frá fjölda aðila sem þekkingu hafa á málefnum fatlaðra. Að því sögðu voru verkferlar þegar kemur að svona málum ekki fyrir hendi sem ekki er gott fyrir félagið okkar.“
Lögreglumál Málefni fatlaðs fólks Mest lesið Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Hafa „góða hugmynd“ hvar og hvenær stúlkunni var ráðinn bani Innlent Kona réðst að sjö ára dreng við Smáraskóla Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Sjá meira