Blæs á fréttaflutning um framhjáhald

Vika er síðan Megan Fox eyddi reikning sínum á Instagram, eftir að hún birti mynd þar sem hún ýjaði að því að Kelly hefði haldið fram hjá sér og þau væru hætt saman.

Megan Fox og Machine Gun Kelly trúlofuðust í janúar árið 2022 en samband þeirra hófst snemma á árinu 2020. Þau kynntust við tökur á bíómyndinni Midnight in the Switchgrass.

„Þú getur bragðað óheiðarleikann, hann umlykur andardrátt þinn,“ skrifaði hún meðal annars við umrædda Instagram-mynd. Í kjölfarið hvarf síðan hennar af samfélagsmiðlinum. Það er texti úr lagi eftir Beyoncé.

Sjá einnig: Megan Fox kyndir undir orðróm um sambandsslit

Síðan birtist svo aftur í dag og er þar ein færsla. Þar stendur að enginn þriðji aðili hafi komið að sambandi hennar og Kelly að nokkrum hætti. Það ætti við raunverulegar manneskjur, spjallþjarka, einkaskilaboð eða djöfla.

„Þó mér sé illa við að ræna af ykkur handahófskenndum fréttum sem hefðu verið betur skrifaðar af ChatGPT, þurfið þið að leyfa þessari frétt að deyja og láta allt þetta saklausa fólk í friði,“ skrifaði Fox.

Netverjar og gula pressan vestanhafs hafa fjallað um að Kelly hafi mögulega haldið við gítarleikara sin, Sophie Lloyd. Í athugasemd við fyrstu færsluna sem nefnd hér að ofan skrifaði einni aðdáandi að MGK hefði líklega haldið við gítarleikarann en Fox svaraði og sagði: „Kannski var ég með Sophie.“

Nú virðist Fox vera að segja að enginn hafi haldið fram hjá.

Page Six birti í gær frétt um að samkvæmt heimildarmanni miðilsins hefði Fox fundið skilaboð á síma MGK sem hafi bent til þess að hann væri að halda framhjá henni. Í kjölfar þess hafi hún birt færslu á Instagram, tekið af sér trúlofunarhringinn og eytt Instagramsíðu sinni.

Frétt Page Six virðist vera sú frétt sem Fox er að tala um í nýjustu færslu sinni, þar sem hún segir einnig að MGK hafi ekki haldið fram hjá henni.

People sagði frá því í dag að Fox og MGK væru ekki búin að slíta trúlofun þeirra og þau væru þess í stað að reyna að bjarga sambandinu.