Bein út­sending: Sam­ráðs­þing um lands­á­ætlun í mál­efnum fatlaðs fólks

Hægt verður að fylgjast með útsendingu frá samráðsþinginu í spilara að neðan.

Í tilkynningu á vef stjórnarráðsins segir að félags- og vinnumarkaðsráðuneytið standi að samráðsþinginu ásamt forsætisráðuneytinu, Sambandi íslenskra sveitarfélaga, ÖBÍ réttindasamtökum, Landssamtökunum Þroskahjálp og Geðhjálp.

Hægt verður að fylgjast með samráðsþinginu í spilaranum að neðan.

„Landsáætlunin er liður í innleiðingu og lögfestingu samnings Sameinuðu þjóðanna um réttindi fatlaðs fólks sem kveðið er á um í stjórnarsáttmála ríkisstjórnarinnar. Landsáætlunin markar tímamót, enda fer nú í fyrsta sinn fram heildstæð stefnumótun í málefnum fatlaðs fólks á Íslandi. Markmiðið er að fatlað fólk geti notið mannréttinda og mannfrelsis til fulls og til jafns við annað fólk.

Landsáætlunin mun ná til allra þeirra málefnasviða sem falla undir samning Sameinuðu þjóðanna um réttindi fatlaðs fólks. Henni fylgja skýrt skilgreind markmið og aðgerðir til að ná markmiðunum. Við setningu markmiðanna verða settir fram mælikvarðar og framvindan verður síðan metin á árlegu samráðsþingi,“ segir í tilkynningunni um þingið.