Sidekick segir upp 26 manns

Viðskiptablaðið segir frá þessu þar sem fram kemur að starfsfólkinu hafi verið sagt upp í síðustu viku.

Í fréttinni er haft eftir Tryggva Þorgeirssyni forstjóra að félagið hafi ráðist í endurskipulagningu á rekstrinum í ljósi versnandi efnahagshorfa og því ákveðið að grípa til uppsagna.

Breytingarnar séu erfiðar en styrki þó getu Sidekick til að byggja upp sjálfbært og öflugt fyrirtæki. Stefnt sé að því að beina sjónum að kjarnaverkefnum þar sem fjármunir nýtist best.

Sidekick þróar og markaðssetur stafrænar heilbrigðismeðferðir í samstarfi við marga af stærstu lyfja- og sjúkratryggingafélögum Evrópu og Bandaríkjanna. Síðasta vor störfuðu um 150 manns hjá félaginu, flestir á Íslandi en Sidekick er einnig með starfstöðvar í Berlín, Boston og Stokkhólmi.