„Við erum búin að vera með fötur, vatns­sugur og moppur í allan morgun“

„Við erum búin að vera með fötur, vatnssugur og moppur í allan morgun,“ segir Hafdís Guðrún Hilmarsdóttir, skólastjóri Fossvogsskóla.

Þá sé málið einstaklega leiðinlegt vegna þess hve nýtt þakið á skólanum er en lekinn kemur þaðan.

Hafdís segir börnin taka lekann nærri sér.

„Þetta er húsið þeirra líka en þau eru búin að vera flott í morgun að bíða og sjá með hvaða hætti við kláruðum skólann í dag og sýna þessu mikinn skilning og ég veit að foreldrar gera það líka,“ segir Hafdís en allir nemendur í húsinu þar sem lekinn er hafa verið sendir heim. Um er að ræða fjórar stofur.