Körfubolti

Sá sem skoraði fyrstu þriggja stiga körfuna látinn

Óskar Ófeigur Jónsson skrifar
Chris Ford í leik með Boston Celtics en hann lék með eða þjálfaði hjá félaginu í meira en áratug.
Chris Ford í leik með Boston Celtics en hann lék með eða þjálfaði hjá félaginu í meira en áratug. Getty/Focus on Sport

Chris Ford, fyrrum leikmaður og þjálfari í NBA-deildinni er látinn 74 ára gamall. Fjölskyldan tilkynnti þetta í gær en gaf ekki upp ástæðu andlátsins.

Ford skrifaði nafn sitt á spjöld sögunnar með því að vera sá fyrsti til að skora þriggja stiga körfu eftir að sú regla var tekin upp árið 1979.

Þriggja stiga körfuna sögulegu skoraði Ford 12. október 1979 sem leikmaður Boston Celtics.

Ford spilaði með Boston Celtics frá 1978 til 1982 og varð NBA-meistari við hlið Larry Bird, Kevin McHale og Robert Parish árið 1981.

Ford spilaði alls tíu ár í NBA með Detroit Pistons og Celtics og skoraði 9,2 stig og gaf 3,4 stoðsendingar í leik. Hann stal líka 1,6 boltum í leik á ferlinum og er meðal hundrað efstu í sögu NBA í þeim tölfræðiþætti.

Ford þjálfaði líka í NBA-deildinni til margra ár en hann stýrði Boston Celtics frá 1990 top 1995 eftir að hafa verið aðstoðarþjálfari liðsins frá 1983 til 1990.

Ford þjálfaði einnig lið Milwaukee Bucks og Los Angeles Clippers á tíunda áratug síðustu aldar.

NBA

Mest lesið


Fleiri fréttir

Sjá meira


×

Mest lesið